كلمات لطمية اتحملونه الليله فدوه علي الوائلي مكتوبه كامله
القصـيده: اتحملونه الليله فدوه
الـرادود: علي الوائلي
الشـاعر: محمد الغزي
ـــــــــــــــــــــــــــــــــــــــــــــــــــــــــــ
اتحملونه الليله گوه... ولله تعبانات فدوه
الليل هذه يريد خوه... وما ينحمل
ما سمعتونه من صحنه... منكم وبيكم تره احنه
الليله مهضومات كلنه... ياهو العدل
التنهضم تشكي الاخوه... كون وادم تعبوهه
بس الاخوته جفوهه... بثگل الحمل
حالنه جا ما لچمكم... استحينه وجينه يمكم
أنام ردنه بصف چثثكم... جاسانه ذل
نسوانكم... فزعو بس حاچوهن
نسوانكم... بنص زلم عفتوهن
واويلاه... واويلاه
ـــــــــــــــــــــــــــــــــــــــــــــــــــــــــــ
الدلال اهنانه حده... ياهو منكم عدل بعده
لذنه وحده بكتر وحده... من الغرب
صرنه شارد بيد شارد... هوه هذه الماله واحد
والذبحكم راسه بارد... واحنه برعب
ياهو منكم گلبه جاسه... خلو يمنه يودي راسه
ولله متعوبين ناسه... يهل الگلب
يالشواربكم ثخينه... ياكبارات المدينه
كومو لحگونه انولينه... من الترب
لحگونه... ياهو يسمع صوتنه
لحگونه... چنه گرب موتنه
واويلاه... واويلاه
ـــــــــــــــــــــــــــــــــــــــــــــــــــــــــــ
ياهو يمه النه خاطر... لو نخينه يكول حاظر
احنه نسوان ونكابر... مالنه احد
اهنانه يهل الرحم صحنه... متنه بالعباس متنه
شنهي غربه ابين اهلنه... هدتنه هد
كون نكدر جا سكتنه... فتر عكس بينه وكتنه
الناس بيكم عيرتنه... بمحد گعد
هذه كله الصار بينه... ومحد الينشد علينه
هاي معناه النسينه... من ماكو رد
خلونه... عنه سدو عينهم
خلونه... الناس صاحت وينهم
واويلاه... واويلاه
ـــــــــــــــــــــــــــــــــــــــــــــــــــــــــــ
ياهو اليتعنه بذلوله... يروح لكبار الحموله
حجي بينه ما نكوله... يدك بالظم
بينه تهضم هيه هاي... الماله راي يمشي راي
علينه صارت اله حجايه... هنانه الهظم
هنانه يا طارش التكدر... روح لمحمد الهزبر
گله الك نسوان بالبر... عندك علم
گله ضلن مالهن حس... بايتات بچول هندس
كله يمهن كلشي يخلس... وبلا زلم
بلا والي... الليل چل اعليهن
بلا والي... محمد افزع ليهن
واويلاه... واويلاه