كلمات قصيدة اويلاه نايم على المسناية - علي الوائلي مكتوبة كاملة
القصيدة:اويلاه نايم ع المسناية
الرادود :علي الوائلي
الشاعر :عدنان الغزي
ـــــــــــــــــــــــــــــــــــــــــــــــــــــــــــــــ
عطشانة روحي تلهبت شرب الماي
والگاع تچويني ولهب حر سماي
وانباد حيلي وشوفهن گل عيناي
ضيعناه وضاعت علينا الراية
ضيعناه وضاعت علينا الراية
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
من الخيم للمعركة أنا تعنيت
ونطر دليلي هناك يمه وونيت
گلت الگى راعي الجود بلكت ضنيت
تلري احااا ميت البيه كفاية
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
أيست لا ضل لا نصير ولا عون
ومن الفرات اهل السقيفة يشربون
يراعون ويمنعون الماعون
يراعون ويمنعون الماعون
أي والله بيهم تشير الآية
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
رديت محنية ظهر للأيتام
يا دمعة انشفها وجفن عمهم نام
سيري ليالي من الحزن يا أيام
وبفركاه دمعي سچبت بمايه
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
ملعون يا هذا الدهر لعنة عاد
ابناءوه مر ع عرشك اسياد
وانقلعت اوتاد الأرض بيد وغاد
واغوثاه راح اليدك الثاية
أيلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
هسه الشمر حادي الضعن مو عباس
وبمحمل الناگة من ادك حگي الرأس
گمت اجر حسرة تگول ناري الأنفاس
حشمناه وما يسمع الشكاية..
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
سار الضعن برماح مشيولة الروس
وخيولهم بضلوع أبو اليمة تدوس
والذبح عبد الله لفة وبيده القوس
رافگناه وانظر يا شيعي لهايا
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
مو بس عطاشى مچتفات وشمات
فرحانة يمنا تصيح أبو فاضل مات
وي هل المصيبة تعادلت هاللچمات
تطلبنا ثار وخذوها الغاية
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
بالبشر واذكر من ربينا واحنه صغار
بحضن الزجية وسال دمع التذكار
دك صدره عباس بوصية الكرار
من وصاه حر الوعد وفاية
اويلاه نايم ع المسناية..تانيناه ويعود لينه بمايه
ـــــــــــــــــــــــــــــــــــــــــــــــــــــــــــــــ
مشكور يل ما گصرت يابو الزود
يل طاح چفك گبل الجود
عباس روج وما تحد بحره حدود
يا حياه هايه المراجل هايه
اويلاه نايم ع المسناية..تانيناه ويعود لينه بمايه