كلمات قصيدة الخوه الشيعية - سيد فاقد الموسوي
قصيدة: الخوة الشيعية
الرادود: سيد فاقد الموسوي
الشاعر: حمزه الحسناوي
(مستهل)
طلعو مشايه اتلكاهم طلعو مشايه
يا محلا الرايه الفوكاهم يامحلا الرايه
يا محلا الرايه. طلعو مشايه
ــــــــــــ
هاي العشره الماتنباع العشره الصدكيه
بين الخادم والزوار الخوه الشيعيه
احنه الينطي عيونه ايكول مقصر وشويه
تخدم تربح بالزوار ماتخدم خاسر
للجنه يطب حتى البيت اليدخل بي زاير
ماكو الدنيا الدنيا حسين من يوم العاشر
تتعطل خاسر
خدمتكم سوتنه اكبار. الله يباوع للزوار
هاي الخدمه اطفي النار حيهم خدامه
بس تنزل كبرك ننساك هاي الخدمه اتضل وياك
غاد حسين اليتلكاك يعرف خدامه
وحسين الغايه ابممشاهم وحسين الغايه
ـــــــــــــــــــــــــــــــــــــــــــــــــ
موكب مال أطفال ازغار لمن تلكاهم
تلكه الزهره هناك تروح تخدم وياهم
نيتهم جانت لحسين وحسين انطاهم
عبدالله وياهم
وام عبدالله اوليدي تكول كون بموكبهم
وتكلهم لو مامذبوح جا هسه بكدكم
بالطف هذا الماي وكون يشرب من عدكم
جا صار بكدهم
كون وياكم يخدم كون يشرب ماي من توزعون
بس لو اكلكم مات شلون يايمه وليدي
سهم توسط نحره وفات رفرف بيد احسين ومات
طير وفوك ارماح ايبات. يايمه وليدي
شنحط الهايه وننساهم شنحط الهايه
طلعو مشايه تلكاهم طلعو مشايه
ــــــــــــــــــــــــــــــــــــــــــــــــــــــــــــــ
كون اتلم عقول الناس اتفسر بس هايه
ليش الغربه اتصير اخوان بدرب المشايه
ليش الزاير كلبه يطيح وماهد الرايه
بس بالمشايه
امي الخلص بيه الحيل لاذت بكتاره
تركض كبل الطفله اتكوم تخدم زواره
يعني اليخدم مو بالكيف هذا الله اختاره
حي الله انصاره
نمشي ونمسح كل عنوان ابن فلان وابن افلان
بالمشايه انصير اخوان والحب يجمعنه
بس احسين الشيخ العام ماكو شيوخ لكل خدام
ذني بعمرك احله ايام والحب يجمعنه
وشط ابمايه اتعناهم وشط ابمايه
ــــــــــــــــــــــــــــــــــــــــــــــــــــ
هذا الحب المو تعلوم حب اعلى النيه
يطلع من بطن امه يريد يسوي حسينيه
انذر عمرك بس لحسين دنيه ومكضيه
حب على النيه
اتعب وخدم بالموجود يالعندك شيمه
تدري الينطي كلاص الماي جن طفه الخيمه
واذكر من تكعد بالبيت وزينب بالهيمه
لو ماعندك وزع ماي راح يسجله حسين هواي
من يبرد كلب المشاي يرتاح احسينك
هيج احسين نقيس وياه. ازغر موكب اكبر جاه
الزاير لمن تتلكاه يرتاح احسينك
من كل ولايه الشفناهم. من كل ولايه
ــــــــــــــــــــــــــــــــــــــــــــــــــــــ
ياسبحان الله يحسين دربك راوانه
جم شايب بالكوه يكوم طالع ويانه
يعني اتخيل ماكو حسين عدنه بدنيانه
تخرب دنيانه
صيتك عمرك جاهك غاد ماتاخذ منه
اسمك سجله وي الزوار ابوجهك للجنه
هذا الحب وعابس كون يحجيلك عنه
بوجهك للجنه
بس للجنه انطب بعدين. احنه نريد نشوف حسين
شارب ماي ونلكا زين. هاي الردناهه
تلتم يم احسين الناس. ونبوس اجفوف العباس
يابو الخوه اتشيل الراس والحبيناهه
عباس الثايه الدكاهم عباس الثايه
ــــــــــــــــ