كلمات قصيدة وليدي سيد فاقد الموسوي مكتوبه كامله
لطمية وليدي سيد فاقد الموسوي
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه
ــــــــــــــــــــــــــــــــــ
ياهو العايش مثلي گباله ابنه يذبحونه
ياهو البيكم عطشان الضهر يركضونه
الخيل التركض يمه تراب تذب بعيونه
وهذا يجر بثوبه و ذاك بدرع امتونه
راجع مو ذاك حيلي الاولي
راجع كل ساعة اغص بأسمك علي
متعوب اجيتك ركض مناك بويه
و ثگلت بحلكي الـ ﷲ وياك بويه
بويه بويه ..(٢)
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه ..(٢)
ـــــــــــــــــــــــــــــــــــــ
جيت أزحوف أزحفلك واليذبح عيّرني
ودورت بروح الينطيني أيده يگومني
اليذبح متقصد چان يريد يتعبني
لازم بالمگلوب السيف و يذبح بأبني
حيره طاحت دمعتي و دنگت
حيره مبتسم ليه استشهدت
گعدوا على أركبك و رجليك بويه
الما ذابحين أتعلموا بيك بويه
بويه بويه ..(٢)
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه ..(٢)
ــــــــــــــــــــــــــــــــــــ
وكتك هذا وليدي وموتك لا مو وكته
شايل سبعين جنازه و جسمك ما شلته
تمنيتك تگعد ساعة تعيش آنه العشته
وتشوف حسين بشيباته شكد ركضته
جيتك بس مو مثل جية أمس
جيتك بالگوه اجرن بالنفس
ذباحك ايصيح على الحسين بويه
"بنحر واحد ذابح ثنين" بويه
بويه بويه ..(٢)
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه ..(٢)
ــــــــــــــــــــــــــــــــــ
تراب ودم احمر ينگط چان وجو مشمس
وگفت ليلتها الدنيا أگبال اليتنفس
ازحف خلصت الگاع و بالموت اتلمس
الذابح ابني يباوعلي و يضحك متونس
بويه أكعد لأبوك المنهظم
بويه تعبت ايديه من اللطم
ماكو اعله عرف الموت ذباح بويه
ياخذ رگبتي وياك و ارتاح بويه
بويه بويه .. (٢)
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه ..(٢)
ـــــــــــــــــــــــــــــــــــــ
من شفتك طايح يبني و نازف كل دمك
غير وكون أبلع ريجي اكبالك واحجي بأسمك
ماخله الحافر شي صاحي وليدي بجسمك
تلويت و كضيت اصفاحي و جبتك لأمك
ليله تلگيني هاچ اخذي الولد
ليله ما يگعد و يرجع بعد
گد ما بچينا اعليك فد نوب بويه
لليوم عمره ازغير الغروب بويه
بويه بويه ..(٢)
وليدي لمك شضمن يا حچي
وليدي فاضحني ردني من البچي
ردتك لأبوك تصير زاتوت بويه
تروحلها ميت امك تموت بويه
بويه بويه ..(٢)
ـــــــــــــــــــــــــــــــــــ
- وليدي
الرادود | سيد فاقد الموسوي
الشاعر | محمد النوارس