كلمات قصيدة خطار إجاني الرادود باسم الكربلائي مكتوبه كامله
لطمية خطار إجاني الرادود باسم الكربلائي
قصيدة (خطار اجاني)
الرادود ملا باسم الكربلائي
الشاعر الميرزا عادل اشكناني
ـــــــــــــــــــــــــــــــــــــــ
خطار اجاني يا هلا بجيته
محلا الأبو لو مر على بنيته
بس ما تطيح اعيونه بعيوني
شلونه اسأله ويسأل شلوني
بنيته
ـــــــــــــــــــــــــــــــــــــــ
طيفي بطيفي
سير علي نسمه عله مختنگه
جاني واني
مابين موش مصدگه ومصدگه
اهلاً سهلاً
بالردلي روحي ابساعة الملگه
شفته واشفته
امن الخيزران امجرحه وزركه
هذا العزيز وعاش من شافه
لاچن اشوف مفطرة شفافه
إن چان هذا حسين خبروني
شلونه اسأله ويسأل شلوني
بنيته
ـــــــــــــــــــــــــــــــــــــــ
ابحلمي يمي
جاني وعساني ميته بأحلامي
مرني سرني
او من فرحتي متشيلني اجدامي
اغفه ابلهفه
واكعد او طشت الذهب جدامي
شصبر وانضر
الشيبة الكريم مترب ودامي
تمنيت راسه بحضني لاچني
شفت الأبو راسه بوسط حضني
وي راس ابويه حسين خلوني
شلونه اسأله ويسأل شلوني
بنيته
ـــــــــــــــــــــــــــــــــــــــ
تجرح تذبح
من اليتيمه كلمة البابا
دخري لـصدري
ضميته وايدي تمر على صوابه
ابجفي وعطفي
من راس ابويه انفض ترابه
اسرح وامسح
دم الذي جامد على اهدابه
كمت اسأله وراسه وسط حجري
من الذي ايتمني ابزغري؟
لمن اشوفه جانت ضنوني
شلونه اسأله ويسأل شلوني
بنيته
ـــــــــــــــــــــــــــــــــــــــ
احجي شحجي
بعض المصايب ضعبه تتفصل
صعبه وگلبه
احنين ولا يرضه عليه انذل
طفله وكتله
خل نحجي بس خل نحجي بالمجمل
انخيتك ريتك
عن خدي الأحمر بويه لا تسأل
عن خاتمك ما أسألك وشرطي
يا بويه ما تسألني عن قرطي
خيعوني راسك خيعوني
شلونه اسأله ويسأل شلوني
بنيته
ـــــــــــــــــــــــــــــــــــــــ
كاسر خاطر
انت لجنه يمون عالخاطر
ابحيرة جبيرة
خلاني لمن كالو مسافر
ويلي ليلي
شيخلصه عالي لجيته ايساهر
اندب واحسب
هلبت يرد باجر عكب باجر
تالي اجه وياه اتعنه
من الخرابه نروح للجنه
وهناك لمن ينظر امتوني
شلونه اسأله ويسأل شلون
بنيته