كلمات قصيدة فرقة ورد الحاج باسم الكربلائي مكتوبه كامله
فرگةّ ورد ويه المــاي
بس العطش ظل ويــاي
ملتني روحي روحي روحي روحي
من خله چفه اعله الراس
عشت اليتم بالاحساس
موتني نوحي نوحي نوحي نوحي
****************
من حضروا نوگ السفر والخيمات
إحتاريت احضر فرحتي لو دمعات
التمن عليه بالبچي العلويات
منهن اعرفت الفرگة ويايه اتبات
عندي گلب ظل ينسمع بالنبضات
يركض وراهم ركضت المحترگات
من فارگوني ورديت
ظلمة گبر شفت البيت
والوحشة بيه بيه بيه بيه
من هد اديه العباس
عشت اليتم بالاحساس
موتني نوحي نوحي نوحي نوحي
****************
اعيونك يبوية خل تشوف اعيوني
ابنيتك وماخسرك مكان اخذوني
انه امشي وحدي بويه لتشيلوني
ولو عطلتكم بالدرب عوفوني
خاف المرض والتعب يخطف لوني
بيا گاع اموت اموافقة اتدفنوني
خافن عليه ايسألوك
گلهم تهز الكاروك
رايدها گلبي گلبي گلبي گلبي
بين القلق والوهواس
عشت اليتم بالاحساس
موتني نوحي نوحي نوحي نوحي
*******************
يابويه خذني امروتك كف ابچاي
مو بالهوادج امشي ويه الحفاي
احمل عطش واحمل شمس واحمل داي
اشرب دمعتي وما اگلك عالماي
بويه اعتبرني ابيتي ويه الما جاي
ماچني وياك المهم انتَ وياي
احسبني مثل الكبار
اعرّف اگمّط الازغار
واساعد امي امي امي امي
ملچومة يا گلبي اشحاس
عشت اليتم بالاحساس
موتني نوحي نوحي نوحي نوحي
***************
بويه ارد اسألك لو رحت وبفرگاك
لو ردت انام امنين اجيبن يمناك
هو المرض يكثر يبويه ابلياك
شلي بعد بالعافية المو وياك
اقنعني من اشتاق الك وين انساك
يالتمشي بالدم ياهو يمسح ذكراك
انه ادري بيك اتحبني
شمسوية وتفارگني
مابيه لچمه لچمه لچمه لچمه
لمن شفت راسي انباس
عشت اليتم بالاحساس
موتني نوحي نوحي نوحي نوحي
***************
من الدار اباوع للطفل والقائد
كل واحد امحصل مكان وگاعد
لمن شفت عبدالله هودج صاعد
وانه مريضة اتمرضت بالزايد
بوست اديهم گوة واحد واحد
حيلي انهدم من عاف اديه الوالد
للفرگة اريدن گلببن
بس گلب عندي مو زين
ماعندي ثاني ثاني ثاني ثاني
من اسمعت حچي الناس
عشت اليتم بالاحساس
موتني نوحي نوحي نوحي نوحي
***************
الماعدها ابو يگوم الهوه بيها ايعيل
من المرض شفت الارض بيه اتميل
يومي خلص يابويه شيخلص الليل
الطبگ الرمش من البچي ماظل حيل
عگب ايد ابوي اوسادتي قال وقيل
شينومه المتاني عطف عزرائيل
انه ادري لو رد الراح
لو مسبي لو فوگ ارماح
يلگوني ميته ميته ميته ميته
ولا قصة بيه تنقاس
عشت اليتم بالاحساس
موتني نوحي نوحي نوحي نوحي
********************
من وحشتي اتفرحني جية دفان
حتى الهوا شامت يهز بالبيبان
كثر البچي من عيوني اروي العطشان
من ونتي ملوني حتى الجيران
گاموا يسمعوني حچي من الحيطان
هاي المريضة الظلت ابلايه اخوان
چانت ابلون الياقوت
من البچي راح اتموت
غيرها ونها ونها ونها ونها
من لومهم مات الياس
عشت اليتم بالاحساس
موتني نوحي نوحي نوحي نوحي
**********************
بوكت الظهر يوميه حسبات البال
تهجم عليه چتال يلحگ چتال
وابالي حيرة زينب ايمين اشمال
وحسين عنده بس حرم ضد ارجال
من باب بيتي لغرفتي افراگ اعيال
بگلبي خيم محترگة وصياح اطفال
ماخله عباس ادموع
شفته نهر بس مگطوع
محتاجة ايده ايده ايده ايده
متگطع وظل نوماس
عشت اليتم بالاحساس
موتني نوحي نوحي نوحي نوحي
*****************
كلمات الشاعر : حسام الحمزاوي