كلمات قصيدة يا صاحب الهضيمه | محمد الجنامي مكتوبه كامله
لطمية يا صاحب الهضيمه | محمد الجنامي
قصيدة :- ياصاحب الهضيمه .
كلمات :- الشاعر وسام الشويلي .
أداء :- الرادود محمد الجنامي .
----------
ياصــاحـب الهضـيمه .. والفاجعة العظيمه
ارسل الك ابحنيني دموعي و سلامي
بالطف عشت مصيبه .. وي زينــب الغـربيه
و الشام اشد رزيه وهضم يا امامي
-------------
ويلي اعله كلبك سيدي الماتلتئم جراحه
والدنيا كالت يا علي لا ما تشوف الراحه
معذور إذا عمرك خلص بالونه و المناحه
غير انته شايل كربله و العاشر و صباحه
طف كربله ومصابه .. والعاشر وعذابه
كل الجره حملته وجرعت المرامي
شحال الگضه حياته .. ذبح وسبي وشماته
والشام اشد رزيه وهضم يا امامي
------------
اشحالك لمن طاح الأبو واتصارخن خواتك
تنهض وتوگع ياعلي وتوكف على عصاتك
عاري الابو ما كدرت تطرح عليه عباتك
ذاك الوكت انته متت واتطشرت حياتك
اتنادي يالاعوجيه .. إتوجهن إليه
عوفن عظام ابويه اسحكن عظامي
شفت الابو تكطع .. واعله الثره توزع
والشام اشد رزيه وهضم يا امامي
-------------
مولاي منك اعتذر خاف اجرح ابكلامي
وانته الحجيت وسولفت عالظل سليب ودامي
گبل الذبح حتى الكبش يسكونه يا امامي
وانته ابوك ابن النبي بالسيف ذبحوه ظامي
گبــل الذبــح تـلــوه .. گلبه بسهم تجوه
من الكفه يويلي يذبحونه ظامي
جسمه شكثر تسخك .. رأسه ابرمح تعلك
والشام اشد رزيه وهضم يا امامي
------------
شتكله اليكلك بعد من المناحه كافي
معذور مايدري اشجره ياضوه ابعينك طافي
ما شايف ابعينه طفل عالجمر يركض حافي
مايدري عبد الله كعد والسهم ظل بي غافي
ما يعلــم ابرقيـه .. طفله ومشت سبيه
فوك الثره ابوها يعوفونه دامي
هذا الجرح اذنها .. ذاك الضرب متنها
والشام اشد رزيه وهضم يا امامي
-------------
مو للذبح من السبي مولاي كلبك شيب
دخلت الديوان الزلم ياحيف عمتك زينب
هاي الكبل وكت المشي عالكاع ظلها امحجب
تالي اعله متن ام الخدر سوط الشمر ظل يلعب
شامت اجه وسألها .. عن الاخو الكفلها
شنهو الحصل يزينب فگدتي المحامي
شتكله عن خدرها .. و اعله النهر گمرها
والشام اشد رزيه وهضم يا امامي