كلمات قصيدة توقيت الحب سيد فاقد الموسوي مكتوبه كامله
لطمية توقيت الحب سيد فاقد الموسوي
لو نفرضها ميه مو سبعه العجائب
تبقى اكبر عجيبه بالدنيا المواكب
وحسين الهويه لجميع المذاه
ــــــــــــــــــــــــــــــــــــــــــ
حسب توقيت الحب ... بده الموكب ينصب
شنو الزاير يطلب ... هلا ومية هلا
اخذ كلمن دوره ... والرگاب منثورة
رسمنا اجمل صورة ... لعجائب كربله
هلا بيكم يالنشامه طلعت البصرة كلها
خدمة اهل التاصرية كفو الهه ولهلهه
والسماوه شگد عضيمه والكرم لايگلها
واربع جهات اهل الدوانيه ماقصرو بالأربعينية
واهل النجف اهل الكرم والكفوه اهل غيره
والحله ابد ما تنوصف لو عزبو حيره
لو وصلو المليار زوارة هل من مزيد تصيح العماره
واتنافسو خدمة شرف سامرة وديالى
واليعبر اعله العاصمه بالخدمه هنياله
ما دام المذاهب ... ملتمه سويه
معناه الزيارة ... صارت عالميه
والرايح للحسين ... ليشيل الهويه
ـــــــــــــــــــــــــــــــــــــــــ
بده الشارع ينبض واجه الخادم يركض
بعد ياهو يغمض ... اجو شيعة علي
هلا برفعة راسي ... هلا بربعي وناسي
هلا بعطر انفاسي ... هلا بريحة هلي
هذا شاب وهذا شايب هاي اختنه الكريمه
هلا بيكم وبمشيكم للزيارة العضيمه
كلشي جاهز والمواكب جنة الله ونعيمه
عدنه الكرم من الحسن عاده
سوينه فوك الخارطه گلاده
ماضل شبر مابيه خدم ومدلل الزاير
ونمد ادينه اعله السمه ونوكل الطاير
دجله وفرات ويانه جبناهن
توزعي بالموكب گضيناهن
شيعة علي وعدنا الهلا ملوحة جنوبية
سابع صفر بأسم الحسن تمتد صوانيه
راياتكم تسد عين ... شمس الله الچبيرة
فرحان بيكم حسين ... يا اجمل عشيرة
عباس ذب الچفوف ... يتلگه المسيرة
ــــــــــــــــــــــــــــــــــــــــــ
حلت هسه الديرة ... وهلا بعطر الغيره
الدرب مابيه حيره ... هلا نخلص الدرب
يالسباع حياكم ... ابو حسين وياكم
على الراس ممشاك ... يالبنص الگلب
هلا بيكم وبضهركم دعوة امي الحنينه
والطرق كله تؤدي نحو اجمل مدينه
كربله للحب سفينه وبيه راعي السفينه
امي بدربكم شدت الشيله
والزاير الله يوفقه تدعيله
امي الصبح تاخذ حرز من جوه رجليكم
وبشيبه ابوي اعله الدرب گاعد يتانيكم
كل الطرق لحسين منواها
واللمه جوه الگبه محلاها
العالم يجي شرق وغرب وجنوبه وشماله
شيخ المضيف ابو الفضل وتصور الحاله
حي الله النشامه ... يسباع وغياره
يتلگانه عباس ... وچفوفه المناره
يالله نعاهد حسين ... منعوف الزيارة
ـــــــــــــــــــــــــــــــــــــــــــــــ
اجه الخير وايامه ... هلا بتاج الهامه
والحسين خدامه ... كفو منهه ونعم
وابو الموكب ناده ... اجينه اعله العاده
الى شيخ الساده ... يركضون الزلم
لا تنافس عالزيارة الثورة صارت مخيفه
يعله صوت الحيدريه وتسكت اهل السقيفه
يالله ولد الملحه حيدر فاتح الكم مضيفه
تبقى الشعائر هيه هيبتنا
وحسين بارك بيه خدمتنا
اهل الكرم حيدر علي هوه الي ربانه
بالخدمه بالحب بالحرب وبكلشي ويانه
المشايه والخدام مهيوبه وبدفتر ام الحسن مكتوبة
كل الأسامي مسجله يم فاطمه الزهره
فطره العشك من الصغر يا محلا هل فطره
خطواتكم رساله ... راياتكم علامه
ترحون بسلامه ... وترجعون بسلامه
يا زوار الحسين ... يسباع ونشامه
ـــــــــــــــــــــــــــــــــــــــــــــــــ
القصيـدة : تــوقـيت الـحـب
اداء الـرادود : سـيـد فـاقـد الـموسـوي
كلـمات : مـحـمـد الـمـوسـوي / مـحـمـود الـمـوسـوي