كلمات قصيدة سلم على الاحبهم محمد الجنامي مكتوبه كامله
لطمية سلم على الاحبهم محمد الجنامي
قصيدة :- سلم على الاحبهم .
كلمات :- الشاعر ميثاق الحمداني .
أداء :- الرادود محمد الجنامي .
-----------
سلم على الاحبهم
يالـرايـح ابـدربهـم
كلهم خنك صدري البعد
وامنيتي اشم تربهـم
-------------
يالرايح الاخوتي .. كلهم گربلي موتي
ماناسيتكم يالگطعتوا بيه
احضنهم ابمكاني .. مااكدر اوصل اني
موكيفها زينب بعد سبيه
يالدفن من تون لهلك والعمـام
صيح الي كافلي يبنيلي خيام
ابلا خيم هالحرم ماتكـدر تنام
كله بوگت دفنته
محد رحمله بخته
حرمه واريد اهلي تهد
وامنتي اشم تربهم
-------------
حسينك صعب تجمعه .. امخلينه قطعه قطعه
الله يعينك عالدفن يعمه
حيره اشيلمه حيـره .. ويــاك اخـــذ حـصيــره
وسفه اليلمنه ياعلي نلمه
امن الصدر المنكسر ذاك الدافي چان
جـر نبل گـد طفل الـعبد الله مــكــان
لا ضلـع ينـوجـع وســده ابـكـل حنـان
محلى الابن وابيه
لو مددوا سويه
ريت انه اطيح اعله اللحد
وامنيتي اشم تربهم
------------
سلامي لاغلى كافل .. بس كله يابو فاضل
زينب البيها اتكفلت سبوها
لايـعتـذر حبيبي .. هـوه الـسبـي نـصـيبـي
بس كله خل يفزع تره ولوها
بالـگبر يـالبدر وانـه اصعد هـزيـل
وعاذلي يصيح الي ماعندج كفيل
واستمع وانفجع وادمـوعـي تسيل
راسك يغار اشوفه
ايدور على چفوفه
اندفنت اجفوفك ماترد
وامنيتي اشم تربهم
------------
چم حرمه بالخرابه .. وتندب رقيه بابا
ماتدري ابوها ابكربله توذر
ماتهجع الارامل .. رمــلـه دمعهـا سايـل
وليله تنادي يمه يمه الاكبر
اتوذروا اتگطعوا بالحومه الشباب
مو ولد چــن ورد غـطـاه الــتراب
وگلب الام منهظم واتشم بالثياب
چم فاگده واسيره
ومافزعت العشيره
تحت الترب صار الورد
وامنتي اشم تربهـم
-------------
گل للحسين احبه .. من گبره اخذلي تربه
بالغربه كلما اختنگ اشمها
ليش الزمن بعدنه .. واحنه نحن بعدنه
من كربله روحي الزمن حرمها
عالگمر چن مطر دمعاتي ومُناي
امن الگبر انتظر يوصل ليه ماي
شايلـه كربلـه بين انفاسـي هـاي
وصــل سـلامي الهم
مشتاگه روحي كلهم
بس بالكبر راح انسعد
وامنتي اشم تربهم