كلمات قصيدة مايرحم الغياب | سيد سلام الحسيني مكتوبه كامله
لطمية مايرحم الغياب | سيد سلام الحسيني
اوداع الغصب .. يفت الكلب .. لا لا تعوف وليدي
ما صدكت .. اتوادع ردت .. معقولة يوليدي
حظن الكلب صدك راح اتودعه
في طولك الحله بعيني اتكطعه
كل تعبي لو رحت طاح بدمعته
شودع بيك طولك مبسمك لونك
ما يكفي دهر لموادع اعيونك
رجف حيلي علي اخذ ايدي على متونك ... فده متونك
ما يرحم الغياب ... يمة علي
فركه بغرب عذاب ... يمه علي
ــــــــــــــــــــــــــــــــــــــــــــ
دموعك جرت .. فوكي وسرت .. وسط الكلب نارك
من انغميت .. بدمعك صحيت .. واتلمس اكتارك
دمعك نزل جمر فوك جروحي
ليش الهجر يشامه روحي
ايزيدك ضمه البجي ويكبر نوحي
رحت اتوصي ابوك ايرد يباريني
غريبه ابلا عيونك علي تدريني
راح انتظرك اترد لا تجافيني ... وتبجيني
ضاقت بنا الرحاب ... يمه علي
فركه بغرب عذاب ... يمه علي
ما يرحم الغياب ... يمة علي
ــــــــــــــــــــــــــــــــــــــــــــ
يمه حرام .. هذا الختام .. لا يا علي دخيلك
بزحمه دماك .. غايب ضواك .. لياهي اكعد ابجيلك
جبت العمر وانه ابره لعودك
تالي عجز يلم حظني اورودك
سلبتني كربلاء لون خدودك
جسمك لو سلم شي يمه اسئلك وين
بس عينك وجارحها الوداع العين
طول بطول يبني وياك نام حسين ... ينور العين
ما يرحم الغياب ... يمة علي
فركه بغرب عذاب ... يمه علي
ــــــــــــــــــــــــــــــــــــــــــــ
رحت بضماك .. من اشرب وراك .. بس دمعه عيوني
وشلون اعوف .. بارض الطفوف .. ابني وربه متوني
يل طلعتك كبل جانت كمره
المغرب اجه واني بهاي الصحره
يا الاكبر وبعد باجر مسرة
جنت ام علي الاكبر من جنت يمي
بس لمن رحت يوليدي راح اسمي
على الناكه.. واعوفك جرح مرمي .. بجمر دمي
ما يرحم الغياب ... يمة علي
فركه بغرب عذاب ... يمه علي
ــــــــــــــــــــــــــــــــــــــــــــ
مايرحم الغياب
الرادود : سيدسلام الحسيني
الشاعر : سيد انور الموسوي
الذاكر : سيد مهدي البكاء
الكاتب : حسين واثق