كلمات قصيدة مركز الكون بشر من الله ينحب الرادود خضر عباس مكتوبه كامله
لطمية مركز الكون بشر من الله ينحب الرادود خضر عباس
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
جنت بين البشر سر
كدر يفتهمك الحر
صفاتك من علي الدر
وهم كل الخليقه فقط انت الحقيقه
صرت شرياني الابهر
مشيت بروحي واكثر
حسين احسبني قمبر
عبدكم يعله شانه يحس روحه بمكانه
لغز شفته صعب عفته
بشر وتقوده عاطفته حبيبي طبيبي
يقرءآني بقيت اني
عمر يم بابك متاني يجيني وتيني
آدم نزل مشتاگ الك جانت عذر حوه
اني البعيد أتسودنت چا عابس شسوه
كالولي انذبح لا توه انخلق
بالواقع عدل ميت عالورق
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
ـــــــــــــــــــــــــــــــــــــــــــــــــــــــــــــــــ
بشر من الله ينحب
جزه بحنيته كل أب
وقاري ببابه ينذب
ذليل اوصل مقامه وأسيطر بالقيامه
يعيش بكل كرة دم
يهمني وبيه مهتم
عطر حنيته ينشم
عطر باقي بضريحه للأجساد الذبيحه
اذا طحنه ركض رحنه
جموع لحضرته وصحنه يوالد يقائد
حمل عدنا يوالدنا
يطيح وما يضل ودنا رجانه حنانه
هذا الطبيب الما أخذ من ربعه كشفيه
واني المريض وعلتي يريدلها حنيه
محروس بعلي وبرب الفلق
بالواقع عدل ميت عالورق
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
ـــــــــــــــــــــــــــــــــــــــــــــــــــــــــــــــــ
ثواني بكل سنه نعد
الى أن خدمته ترد
زلم كل موسم نهد
جنود وهوه آمر لحد كطع المناحر
محرم نسخة الطف
يزيد وربعه تصطف
لسنهم يمنه تنكف
مضيف الخدمه باقي والمعزب عراقي
كرم عدنه واليضدنه
أقارن جده وي جدنه وأدينه وأهينه
ولا عفنا مضايفنا
ولا من كل بشر خفنا خدامه كرامه
أنطاني عبد الله الطفل بس اني شطنيته
يا بيت أكتبه على الفرغ من الزلم بيته
جم خادم صدك بحسين التحق
بالواقع عدل ميت عالورق
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
ـــــــــــــــــــــــــــــــــــــــــــــــــــــــــــــــــ
سيوف الشيعه تنسل
زمر مرجانه تنذل
منو الزاد ومنو القل
يطيح و عالي صيتي ولا اخسر قضيتي
زلم من چنه بالذر
تمر من يمنا تحتر
أخذ بصمتنا حيدر
مجانين و عوابس طفلنا نجيبه فارس
اهل فزعه و والـنتبعه
بأمر من خالق السبعه نطيعه يشيعه
منو يهمنا واليذمنا
رجف مثل السعف يمنا الحگه واسحگه
ما خفنا بالاربعطعش والفتوى مشهوره
كاع ﷲ محروسه بعلي وحرمتنا مستوره
عباس الكمر ويانا انطلق
بالواقع عدل ميت عالورق
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
ـــــــــــــــــــــــــــــــــــــــــــــــــــــــــــــــــ
اكو بگلبي ثنعش سر
عشت وياهم المُر
أحبهم اي لان حُر
بشر يعرف طريقة لأهل بيت الحقيقه
شمس ما تنطفي بدم
ضواهه بلحضه يلتم
اجي اختار الصدك أم
ابايع آل اميه ولد هند وسميه
وَفي و باقي على أشواقي
وعيت بخيمة الساقي گمرنا فخرنا
اذا عفته كفيل اخته
اذا رب العرش خنته امانه لوانا
اليشتريك بدم طفل ما ترهم تبيعه
يا خرزه واحذر تنكطع من سبحة الشيعه
أبصم بالنحر للراس النطق
بالواقع عدل ميت عالورق
مو مركز الكون الشمس لا بالصحن جوه
الجاذبية بكربلا نيوتن فهم توه
خليت العلم يشعر بالقلق
بالواقع عدل ميت بالورق
ـــــــــــــــــــــــــــــــــــــــــــــــــــــــــــــــــ
- مركز الكون
الرادود | خضر عباس
الشاعر | محمد رسول الحميري
الكاتب | الميرزا محمد المياحي