كلمات قصيدة كنز العشيرة | مسلم الوائلي مكتوبه كامله
لطمية كنز العشيرة | مسلم الوائلي
قصيدة: كنز العشيرة
أداء: مسلم الوائلي
كلمات: حيدر العماري
~~~
كنز العشيره .. زينب أميره
الما يفدي زينب لا يرد سالم عليه
من أربع جهات أربع زلم عدهم وصيه
زينب أميره .. زينب أميره
~
من يمشون وي ظلها رايه وراي
حته الگاع ما تعرف زينب هاي
جان الغيم يتمنه عليه تندار
بس تشوف عباس وتنسه الماي
ابشري يصيح گبل الخويه عباس
.. بعيوني وتأمرين
ومره الزينب ايمر خاف تحتاج
.. مره ايمر للحسين
اسمها الحبيبه .. قبل المصيبه
من جان اخوها يگلها زينب هاج اديه
من أربع جهات أربع زلم عدهم وصيه
زينب أميره .. زينب أميره
~
بعده الخير يم زينب عدها اخوان
وجان حسين كل حيله وما عطشان
يلتمون والطير يصيح الله
ماكو اخوان بالدنيه هيج احنان
عبدالله ضحكته اتصفن الماي
.. من تلاعبه اخته
حته الهوه اليعبر يمه بهداي
.. ما يوصل رگبته
وعيونه نجمه .. ما يجري دمه
بعده زغير بگد حلم اخته رقيه
من أربع جهات أربع زلم عدهم وصيه
زينب أميره .. زينب أميره
~
اهل البيت وتخيل يلتمون
حسين الشيخ ويسولف يستمعون
والعباس من يوگف طوله افياي
واگف دوم ومجانه بظهر ام عون
زينب تلتفت وتشوف عباس
.. يطمن گلبها
خطوه بخطوه يمشي وياها بحساس
.. ما عايف دربها
يمشي ونظرته .. يم خطوة اخته
.
طوله امان اعله الدرب للهاشميه
من أربع جهات أربع زلم عدهم وصيه
زينب أمير .. زينب أميره
~~
جانت صيف بس بارد گلب حسين
لن عباس بزنوده جفوف اثنين
روح بروح من جانوا همه ازغار
بس عباس ما خله العين بعين
اتلاگه ويه السهم عباس بالعين
.. ويم حسين دنگ
يترس جربته من گصته ماي
.. لو بالعتب يغرگ
رابي اعله كلمه .. الخوه ذمه
گد الوفه واعتمدت عليه الوفيه
من أربع جهات أربع زلم عدهم وصيه
زينب أميره .. زينب أميره
~~~
جان الموت مو سيف وسهم العين
الكاسر حيل عباس اوداع حسين
مو جف واحد ينطيه يحسه قليل
وفه وزاد من وفه انطاه اثنين
وفاها الوصيه وطاح من طاح
.. صوب حسين عينه
صاح حسين خويه وأمه من صاح
.. فزت بالمدينه
دمعه اعله خدها .. وفرحه بولدها
طاحوا ولدها البت علي بالغاضريه
من أربع جهات أربع زلم عدهم وصيه
زينب أميره .. زينب أميره