كلمات قصيدة عرس بارض الطفوف | سيد سلام الحسيني مكتوبه كامله
لطمية بندرية عرس بارض الطفوف | سيد سلام الحسيني
عرس بأرض الطفوف
فرح بين الحتوف
الهلاهل للسيـوف
مضاربهن رنين
نزل للحومه شاب
على هيئة عذاب
قره بأول خطاب
حبيبي ياحسين
حسين...طلعت من روحه
حسين...تم فرض جروحه
حسين....حسين
هلا مدلل عمامه.....هلا بهاي الوسامه
هلا بوحي الجمال الهاشمي الما ينخفي
عطر من خيمه طالع....فشل دور البراگع
ضوه يضاهي الشمس وين الشمس خل تنطفي
جميل....حومته بحسنه غزاها
جميل...غازلت شعره بهواها
جميل....صورة بيها للجمال
بلغ آخر كمال....حسيني الخصال
شجاع....تمشي ويا هاشميته
شجاع....الحسن غارس حمّيته
شجاع....علي جده الامير
منو مثله يغير...حچه من الاخير
حرب نار وحديد...وبعث الها بريد
يشد شسعه يريد ولا باله القتال
اله بحربه طقوس....المعاره التحني روس
حسبها اجمل عروس وخذاها من الرجال
حسين...أذن وطب ليها
حسين...جاسم واليها
حسين....حسين
طبگ خط الحواجب
دفاع اعله المضارب
عالمكاون حزم من ظلمته يبين شرار
نضح زود ابجبينه
شذر منها تبده من عرگ وعليها طار
يريد...ينفرض بالطف كلامه
يريد....الحچي يلمه بحسامه
يريد....بيها ياخذ نصيب
والخيام الحبيب
نصر الها يجيب
شباب....بني هاشم بس فوارس
شباب....مدرسة تخرج اشاوس
شباب....طبها زين الشباب
اجه شايل عذاب
بده فنّ الحِرّاب
اله وشعشع ضواه
ولمن يخفگ لواه
خسف يصبح وراه
لأن صيده الثگال
يدمدم من يغير
وجماله اكثر يصير
وعدوه من يحير
المفرّ منه مُحال
حسين.... حياه وشدّت
حسين....ودروب انسدت
حسين....حسين
هلا بحسن الهواشم... هلا بزودك يجاسم
هلا بهاي الشهامه الـ الها عباس ايتسم
نزل وبگلبه نية....يحني الغاضرية
العرس بالحومه قرر شد على الشگره وعزم
يميل...الجيش اذا مالت مهرته
يميل....عالكتيبة وكلها حصته
يميل... سيفه فوگ الرگاب
امتطى ظهر السحاب
هلا بالما يهاب
وراه... بينت كسرة بزلمه
وراه... دلهم مطيح علمها
وراه...ابوفاضل يشوف
لوه أذن الطفوف
واحد وذل ألوف
كريم بطبع ابوه .. ويعزب بالأجوه
اطلبوا موت وخذه
هلا بأبن الكريم
مرامه الانتصار
اليشوفه بوصفه حار
الحسن لو ذو الفقار
شبه جده العظيم
حسين... سر بجسامه
حسين... ونشد احزامه
حسين...حسين
خيم بها امهاته .. يشوفنه اشحلاته
عطر هب عالمخيم واليشمه تردله روح
لچن گلب اليتاني ... طفت بيها الاماني
وتتاني رمله عرسه وتالي شافت بس جروح
حبيب...تظلمّ اخيامه بدونه
حبيب....يذبل الفارگ عيونه
حبيب...قاسم الامنيات
أخذ ويا حياة
گلب ابشوگه مات
مصاب....شكاتب الرمله المنية
مصاب...شحلت الها الغاضرية
مصاب....بده هذا العذاب
بدر اعله التراب
حچت ابلا جواب
تنادي راح اموت
ردت يوليدي صوت
ذبحني هالسكوت
اظل اسنين انوح
عمر عشته بدلال
ونهاية هالجمال
صبح حصة الرمال
وانا حصتي الجروح
حسين...بي شمّ الخوه
حسين...ظل ابلا سلوه
حسين...حسين