كلمات قصيدة عطشان وطعمك ماي السيد سلام الحسيني مكتوبه كامله
لطمية عطشان وطعمك ماي السيد سلام الحسيني
القصيدة :عطشان وطعمك ماي .
الرادود :السيد سلام الحسيني .
الشاعر : احمد اللامي
ــــــــــــــــــــــــــــــــــــــــــــــــــــ
اجيت اركضلك بكلبي مثل كل اليحبونك
ارامح بين عشاكك لعلي المح عيونك
جمالك شفتة وجروحك ودمة ينكط على لونك
شكاهم شربو من أيدك يماي الله ويعطشونك.
للعشك اجيت بس لكيت الدمع نصيبي .
بأول اللقاء بكربلاء يذبح حبيبي .
جاي عاشك واتأمل
جاي ياكلبي أتحمل هذا العذاب.
ريت مانازف دمك .
ريت باقيلك هدمك من هالمصاب .
ماي عطشان وطعمك
ماي ماي
ماي ياحيف ايهظمك وانتة الحياة.
ــــــــــــــــــــــــــــــــــــــــــــــــــــــــــــــــــــ
ليش تجرحنة بحبك .
ليش مايرحم كلبك جاري الفرات .
من روحي جنت ضايع والابية اليميزني.
اعلة غفلة ويصحة وجداني وضميري لغربتك هزني .
باول دمعة طاحتك اعرفت دمعاتي التعزني .
انة المخلوق ابجيلك وانذل لو برد حزني.
من قبل هواك انة ذاك مو بشر حقيقي .
امني هالعزاء والبكاء للادب طريقي .
عين تبجي وتندلك .
عين ماشفت مثلك قريب وحبيب .
وين جم كلب يسألك .
وين صارت من قبلك امير وغريب .
ماي وعطشان وطعمك .
مايي مااي
ماي ياحيف ايهظمك وانتة الحياة.
ـــــــــــــــــــــــــــــــــــــــــــــــــــــــ
ليش تجرحني بحبك .
ليش… مايرحم كلبك… جاري الفرات .
الصدك ماي الوجه وأنة وجه عطشان يا مايه
أجيتك جية المالة بمجلس جلمة وحجاية .
إذا مايشتري بختك وين الكالي شراية.
وكل العندي كدامك طاحت هاية من هاية .
دمعتي تسيل والدخيل بيدك اعتبارة .
عدمن أستجيب والمصير تمتلك قراة .
راح أشخصك وحدي .
راح العندي وماعندي ويمك مناي .
جاي تايب والتذلل .
جاي أتوسل تقبل دمعة بجاي .
ماي عطشانك وطعمك .
مايي مااي
ماي …ياحيف ايهظمك وانتة الحياة .
ــــــــــــــــــــــــــــــــــــــــــــــــــــــــــــــ
ليش تجرحنة بحبك .
ليش… مايرحم كلبك … جاري الفرات .
كل عاشك وآلة أسراره وسرك بالعشك مبيوح.
إذا شافوني ابجيلك لابد من سبب مجروح .
اظمها شلون أسرارك شيظم العشك مذبوح.
جاظماك من الخيل من باريك اخذها الروح .
صدرك المباح للرماح يكشف الخفيتة .
حبك وهواك من ذماك اعتذر حجيتة.
ريت ويسعلك صدري .
ريت ماواحد يدري المن بجيت .
احسين يالحارك كلبي .
احسين ياحصل تعبي بيك اكتفيت .
ماي عطشان يطعمك .
مايي مااي
ماي ياحيف ايهظمك وانتة الحياة .
ـــــــــــــــــــــــــــــــــــــــــــــــــــــــــــــ
ليش تجرحنة بحبك .
ليش…مايرحم كلبك …جاري الفرات .
أخدمك مو اريد اربح جاه أبين خدامك .
أوزع ماي لجل المظالك وارخصة اعناد جدامك .
اطبخ حتى تدري الناس عكبك جاعت أيتامك .
اشعل نار للزاير اذكرة بعالم اخيامك.
خدمتك جواب واحتساب للعرف مصابك .
يارخص غلاك للرجل ومارحم عذابك .
اه يالغالي شنسه
اه عريان بشمسة سليوه قميص .
شلون …شفافك مفطرة .
شلون …اجمعها بصورة .
غالي ورخيص .
ماي عطشان وطعمك .
ماي ماي
ــــــــــــــــــــــــــــــــــــــــ
الكاتب : حيدر مصطفى