كلمات قصيدة اخو السادة - احمد الساعدي مكتوبه كامله
لطمية اخو السادة - احمد الساعدي
موسم حصاد الروس مثل الحنطه صار بنينوى
يم اخو زينب يشرب التاريخ فنجان اگهوى
يوم القيامه وسيفه بالمقياس نفس المستوى
بالطف ابو فاضل گطع كل المنافذ والهوى
اخو الساده .. ذبح قاده .. حيدر چنه وزياده ابو الخوه
خبر عاجل .. ابو فاضل .. روس من الچثث عازل ابو النخوه
ابو الگلفه .. هلا بچفه .. سوه بكربله خسفه فلك سوه
اخو زينب .. جمر يلهب .. صگر الحومه والملعب الك فدوه
(وين ابو الغيره اخيتك بالمعاره
وينك يالگطعت العلگمي ومايه)
***************
سجاده حمره انمدت من العلگمي وللگنطره
ركضهم العباس من الدنيا حد الأخره
من سيفك افحول العرب طبگت سره اعله المگبره
يا اذكى فارس بالحرب چان بمدارس حيدره
المعدل .. المهيل .. فرهم فرت المغزل ابو فاضل
هلا بسيفك .. خذت حيفك ..هو العلگلمي ابكيفك الكل قابل
الارض شگها .. الزلم دگها .. انته الحومه حاركها گفو الكافل
الوصل فنه .. علي چنه .. چنك شجرت الحنه عطر شايل
(يالمخلي العساكر كلها عطابه
يـ حلال المشاگل وگت الطلابه)
***************
سلمها عزرائيل بيدك هالرساله العاجله
لتبقي من عدهم اثر اسحگها خيل وراجله
يمسوي بالوادم فتگ محد يخيطه بكربله
يالسيفك امسطر الزلم للموت مثل القافله
ضوه الگمره .. حچي الزهره ..خله اوجوههم صفره هلا ومرحب
غضب نازل .. على العايل .. يا فارس علي الباسل عقاب الرب
يشوفونه .. يهابونه .. الجيش ابخزرت اعيونه عشب عطب
اجه الكافل .. همم شايل .. اخذهم حاصل وفاصل عليهم طب
(وكت الملاگه خسف كربله الكافل
انته القفلت درب المسنايه)