كلمات قصيدة الحسين يسوه التعب سيد فاقد الموسوي مكتوبه كامله
لطمية الحسين يسوه التعب سيد فاقد الموسوي
زوار مية هلـه ... مـن البيت حـد كربله
يسـباع يـا مـرجله ... يـا رفعـة الـراس
لحسين .. يسوه التعب .. وتراب جدمك ذهب
والـراح اسمه انكـتب ... زايـر العبـاس
هـذا الـكافل يالماشين..اول زاير زار حسين
باس چفوفه وذب چفين .. فده _الك _يبو علي
وچفـوفـي لاكـن زوارة
گالوا يوسف احلى الناس .. كتلهم زار العباس
صاح الكافل تاج الراس .. انذهل _خجل _سجد _ نزل
هنيـاله لـو شـاف انـصاره
زوار والمـاسمـع ... عبـاس زايـر طلـع
زوار ترسـوا الدرب ... لحسين نبض الگلب
والـراد مـوكب يطب ... بچفـوفـه ينبـاس
زوار ميـه هـله ... مـن البيت حـد كربله
يسـباع يـا مـرجله ... يـا رفـعة الـراس
لحسـين .. يسـوه التعب .. وتراب جدمك ذهب
والـراح اسمه انكـتب ... زايـر العـباس
....................................................
حته الكوكب من يدور ... قصده يريد يروح يزور
ياخذ من الگبه النور .. ضوه _وشرف _ خذه _ الفلك
وبنـوره عرش الله تـباهـا
شمس الله التطلع ياناس .. شكد مسلمه عله العباس
تزور حسين مدنگه الراس .. ضوة _ الشمس _ صدك _حلو
وبعينـي كبـتك محـلاهـا
يحسين خجلت امس .. وتغيب حمرة الشمس
زوار صيحوا بعزم ... للموت يمشي الجدم
وحسـين رايد زلـم ... مـتروسه نـومـاس
زوار ميـه هـله ... من البيت حد كربله يسباع يـا مرجله .... يـا رفعة الـراس
لحسيـن .. يسوه التـعب ... وتراب جدمك ذهب
والـراح اسمه انكتب .... زاير العـباس
...................................................
علي وياكم يالزوار ... سجلكم شيخ الأنصار
صرتوا بعين الزهرة كبار ... كفو _ونعم _ صدك _ زلـم
بعيـونـي هيـبة المـشايـة
خل يسمع كل زاير هاي ... ضامي حسين وذب الماي
عن لا تعطش يالمشـاي... المشـي _ وفـه _ العشـك _ صفـه
شـد حيلـك وشيـل الـرايـه
هنـيال گلبه اليدگ ... لحسين شـوگ وعشـگ
عشـاگ كـول وفـعل.. شيـاب شـاب وطفـل
متروس كل السجل ... بيكم عطر يـاس
زوار ميـه هـله... من البيت حد كربله يسباع يـا مرجله.... يـا رفعة الراس لحسـين... يسوه التعب... وتراب جدمك ذهب
والـراح اسمه انكتب... زايـر العـباس
...................................................
هـلا بـالزاير جـاي منين .. غطه وفراش تصير العين
ماظل شي وتشوف حسين .. هله _ والف _ هله_ وعلي
مـر بيـنه يـاتـاج الهـامـة
من بعيد تشوف الجاي ... نركض للموكب حفاي
ياهو الاول ياخذ ماي ... نكض _ سرة _ ويجي _تره
يلـگاها تـركـض خـدامـك
وبيوت كلـهن هله ... مـنا لحـدج كربله
كل بيت موكب الي ...للموت صحنه وعلي
خـدام انا وهلـي ... حـد گطـع الأنفـاس
زوار ميـه هـله ... من البيت حد كربله يسباع يـا مرجله ... يـا رفعة الراس لحسين .. يسوه التعب ... وتراب جدمك ذهب
والـراح اسمه انكتب ... زايـر العـباس
...................................................
خل نتلكه العلويات ... راح يردن تعبانات
نسوي فياي من الرايات ... كضه _ السبي _ واجت _عبي
عـالناكـه زيـنب ملهوفـة
هله يخواني ويهل الزود .. لزينب كلنه نصير جنود
الزاير والخادم موجود .. يبـو الفضـل _ بعد _ حلـم
تلـگاهـا زيـنب مچتـوفـة
ونصيح كلنه بـعزم ... عـباس شـيخ الزلـم
والزار خـل يسـتعد ... عـباس بـاجـر يـرد
عـالـشام ويـاه نهـد ... خـل تسـمع النـاس
زوار ميـه هـله .... من البيت حد كربله يسباع يـا مرجله ... يـا رفعة الراس لحسيـن .. يسوه التعب .. وتراب جدمك ذهب
والـراح اسمه انكتب .... زاير العباس
..................................................
قصيـدة { لحسـين يسـوه التعب}
اداء : سيـد فـاقـد الـمـوسـوي
كلمـات : سيــد محـمـد الـمـوسـوي