كلمات قصيدة طلع من برج المخيم سيد سلام الحسيني مكتوبه كامله
لطمية طلع من برج المخيم سيد سلام الحسيني
عله ثياب العرس جسام ..لبس لامه حرب عوده
يسطع نوره والشمسين .. يتلالن عله خدوده
وبليل الشعر مظفور .. خيط الشمس بجعوده
طلـع مـن المـخيم .. امـشمر لـلوغه زنـوده
امحـزم ابغـيرته وقـبضه يمنتـه ابصـارمه
اجه العمه وتضـج مـن عنده ريحـت فاطمه
جـمالـه و طـلعـته تـنتظـر زفـته
تـهلـهل للـصـوارم والـرماح ايهـوسـن
طـلع مـن بـرج المخـيم گـمر شـبل الحسـטּ
تهـلـهل للـصـوارم والـرمـاح ايـهـوسـن
عـروسـه ابـخيمـته تنـتظر زفتـه
............................
اگبـل جـاسم الـعمه .. ونـسم هـاب مـن عطره
وظل يشتم ابـو السجاد .. ريحه فاطمه الزهره
وظـل يتنشگ الأنـفاس .. لاچـن خنگته العبـره
چـن شاف الحسن مجبل .. اخـيه فـازع اينصره
تـعنالـه الحسـن مـن البقـيع الـكربـله
فتح باعـه و ينـادي يـاهـله وميت هـله
دمـوعه ابفـرحته تنتـظر زفتـه
تهـلهل للصوارم والـرماح ايهـوسـن
طلع من برج المخيم گمر شبل الحسـטּ
تهـلهل للصوارم والـرماح ايهـوسـن
عروسه ابخيمته تنتظر زفته
..............................
اويلي من وصل جسام .. وشابگ حظن ابواليمه
مـثل الأكـبر واكـثر .. ظـل ايـحبه و ايـشمه
روح ابـروح صار وياه .. شلون يـروح من يمه
كلـما زفـه للـميداטּ .. يـرجع يـركض ايلـزمه
يـحس بالسم چبدتـه اتـگطعت مـن ودعـه
ويـزفه عـله المنايـه والسيـوف امـشرعه
وشـموعه ابـحومته تنـتظر زفـته
تهـلهل للصوارم والرماح ايهـوسـن
طلع من برج المخيم گمر شبل الحسـטּ
تهـلهل للصوارم والرماح ايهـوسـن
عـروسـه ابخيمته تنتـظر زفتـه
...........................
الفارس بـالحرب قانـون .. يعلن كـون عنـوانه
ومن طب جاسم الحومه .. صاح ابن الحسن انه
ولمـن كـشف الـثامـه .. وشـافت حسنه عـدوانـه
من وجناته بـرگ السيف .. غـازل عيـن ميدانـه
غده ايـغوص ابـكتايبهه ويـدولب بـالگـلب
مـثل مـوج الـبحر يـگلب عساچرهـم گلـب
عـمامـه و اخـوتـه تنـتظـر زفـته
تهـلهل للصوارم والـرماح ايهـوسـن
طلع من برج المخيم گمر شبل الحسـטּ
تهـلهل للصوارم والرماح ايهـوسـن
عـروسه ابخيمته تنتظر زفـته
............................
ابـن اتلطعش لاچـن .. خـله الگـوم تشهدلـه
يگصد كل عجيد اصياح .. مستارث طبع اهله
وهوه ابن الحسن و الليث..من يخلف شبل مثله
داخت بي مسامي الجيش..من حسنه و حسن فعله
مـغرم ابزفـته ويلـعب لـعب بمـطهمه
وهـلاهـل عمته و امـه و عـروسه اتشيمه
وبـالخـيم حـنته تنتـظر زفـته
تهـلهل للصوارم والرماح ايهـوسـن
طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
............................
بالسبعين الـف ماهـم .. طـب واگلب كتايبه
والماحسبتله احـساب ذلـهه وذل شـواربـه
بيهم نطه حگ السيف .. واتعـده مضـاربه
ولوغاص ابمشارجهه .. يطلع من مغاربهه
نـزل مـن ظهر المطهم حليـف المـرجلـه
شسـع نعله انگطع جـاسم يريـد ايعدله
هـلاهـل مهرتـه تنتظر زفـته
تهـلهل للصوارم والرماح ايهـوسـن
طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
.....................................
مـاچـاטּ ابـوسط مـيدان .. لابـالگـوم حسـبالـه
بالسبعين الـف ماهـم .. عليهم شـرف نعـالـه
حقرهه البـطل جاسـم .. وانـذلت مـن افعـاله
جرت فرد جره اعليه .. وصابت غرت اهلاله
نـدب ياعمـي وينك عجل احظر زفتـي
حنت اچفوفـي صـارت عمـي من دم رگبتـي
و عروسه ابخيمته تنتظر زفـته
تهـلهل للصوارم والرماح ايهـوسـن
طلع من برج المخيم گمر شبل الحسـטּ
تهـلهل للصوارم والرماح ايهـوسـن
عروسه ابخيمته تنتظر زفـته
...................................
القصيــــدة : طلـع مـن بــرج الـمخـيم
الــرادود :سيـد سـلام الحسـينـي
الشــاعـر : عـزيـز الفيـصلـي