كلمات قصيدة شهر الدمع علي الساعدي مكتوبه كامله
لطمية شهر الدمع علي الساعدي
روح اسـمـع المقتل واتخـيـل وراها
ثوبه تـجـي الزهره وتنشره بسماها
شـد رايتك وبخدمتك خفف حزنها
شـهـر الدمـع لـمـن يـهـل انصر ابنها
.........................................
اذا حـمـزه غرد *** الخدم تلبس اسود
گـرب يـعـنـي عـاشـور يـخـادم تـحضـر
علم بيدك ارفع *** الـف شـارع اگطـع
حـزن طـبـر الـراس حـبـيـبـك تـطـبـــر
مـن تـطـبـر صـوره انـشـر وافتخر بيها
صـورة ابـنـك بـلمواڪب حـالـه خليها
بـعـض وادم مـن تـلـومـك لا تـحاچيها
ڪلمـن اله ديـنـه شـعـليـنـه بحـقـدهم
اهـل الحـچـي الـزايـد مـو لازم تردهم
ڪل تلـطـم مـن بـالـطـم ونـتـك تونها
شـهـر الدمـع لـمـن يـهـل انـصـر ابـنـها
ـــــــــــــــــــــــــــــــــــــــــ
الخدم كلها اخوها ***وعلي لمه حبوها
تـطـشـرنـا الايـام و الـحســـــين يلـمـنـه
تـره بـاقـي فـتـره *** تجي الزهره تقره
الـگـلـب يـبـقـه لـهـفـان يـشيعه لخيمنه
الگاع هـزها بـيوم تعلطم غترتك شدها
حتى ترضه الزهره بيك وحته تسعدها
عـلـه الونه وعله الدمعه عفيه ساعدها
شـهـر الـحـزن قـادم يـا خـادم ابـشـرك
گـوم اڪنـس الهيئه والتڪيه تنـطـرك
فـزع الخدم وارفـع علم واقبض ثمنها
شـهـر الـدمـع لـمـن يـهـل انـصـر ابنـها
ـــــــــــــــــــــــــــــــــــــــــ
نـعـم عـدنـا قـائـد *** ولاغــيـره واحـد
نـطـيـع امره ونـصـيـح خدمـتـك شرفنه
امــر تـأمـر انــتــه *** عـدوك ڪرهـتـه
دمـه بـدربــك هــواي يـمــولاي نـزفــنـه
انـتـه قـسـم حـتى مخدم ڪلمن ودوره
هـذا ناعـ، ي و ذاك ينـقـل للبـشر صـوره
واليـجـاهـد بالخــدامه يـصـير اسـطوره
اعـرفـنـي يحـسـيـنـي خـلـيـني بــعـزائك
لا لا تــبــدلــنــي و شــغــلـنــي بــولائــك
خـليــنـي اون وام الـحـزن ازرگ متنها
شـهـر الدمـع لــمن يـهـل انـصـر ابـنـها
ـــــــــــــــــــــــــــــــــــــــــــــ
اڪو عـدنا خـادم *** حـرس عـلـمـأتـم
لـبــس عــسـڪرـي وراح يـوزع ثـوابـه
شـفـت ملـه گاعد *** يحـضـر قـصايد
شـفـت شـاعـر ويـاه تـعـب بـالـڪتـابـه
عـدنـا خـادم بالمواڪب بـيـده زنجيله
والمـشـاعـل هـيـبه بيها تزيد ڪل ليله
الـمـا يـقـصـر بالخدامه الزهره تدعيله
بـمتـلازمه داون چـم ڪائـن نـشـوقه
يـخـدم ابـو سڪينه بونينه ويطوفه
شايل عشگ ورده وهوت ريحة غصنها
شـهـر الـدمـع لـمـن يـهـل انـصـر ابـنـهـا
ــــــــــــــــــــــــــــــــــــــــــــ
المره عدها واجب *** طـبـخ للمواكب
تـگـف شـايلـه الـزاد والدمـوع حڪايه
سـتـرهـا وعـيـهـا *** الگمر يرضه بيها
تـجـي تـزور الحســيـن وقـوره بـعـبايه
شحچي عنها حـتـى ابنها اخضر تلبسه
والصـواني محضـرتها لجاسـم وعرسه
الزينبـيه تـحـب محرم ما تـحـب ونسه
لـو سـوت قـرايـه مـلايـه تـجـيــهــا
دمـعـه بـعـد دمـعـه للـبضـعـه بجيها
والله ونعم اخت الزلم دمـعـه بجفنها
شـهـر الـدمـع لـمـن يـهـل انـصـر ابنها
...........................................
#الشاعر_معتز_الحسيني