كلمات قصيدة سامع اذ حب الكلب مجتبى الكعبي مكتوبه كامله
لطمية سامع اذ حب الكلب مجتبى الكعبي
سامع إذا حَبْ الگلب ما يجمع أثنين
بس آنه ثنّـيت و طحت بحسين وحسين
إنطاني خيط من الخيم خيط المجانين
مو دم تره الخدمة مشت ببين الشرايين
بالخدمة توني حبك لزمني مولاي اخذني
حُسـيناً وا حُســينا ..(٢)
ـــــــــــــــــــــــــــــــــــــــــ
مو صدفة مولاي التقن دمعاتي وياك
جايبني عاشور و صرت من عندها وانعاك
هو أختبارك مو سهل بس الله خلّاك
كلما اخسرك رحمتك أترجعني أهواك
كلمن يملك مايلكه مثلك محد يمثلك
حُسـيناً وا حُســينا ..(٢)
ـــــــــــــــــــــــــــــــــــ
فص عيني خل يبيّض ألك وتروح العيون
بس خايف تمرني بحلم ماشوفك شلون
لو حيلي يخلص باللطم مومشكلة يهون
قابل مثل صدرك أحس فوگگ يسحگون
يحسگني حافر مثلك أكابر كون المشاعر
حُسـيناً وا حُســينا ..(٢)
ــــــــــــــــــــــــــــــــــــــ
أبجيلك شما تنذكر موبيدي بچاي
كلما اسولف منبرك يتوارد وياي
عَلِمني ميزان الحچي سويني حَچّاي
ديوانك ينگط هلا أكثر مِنْ الماي
بس أنت واحد محد يزاود عالدنيا زايد
حُسـيناً وا حُســينا ..(٢)
ــــــــــــــــــــــــــــــــــــــــــــ
أتدور الوادم ستر من كثر العيوب
بس أنت ساترها الخدم يا عشگ الگـلوب
دنيانا غالب تنگلب مرات مغلوب
واليعتنق دينك نجا بالمجلس يتوب
بس انت واحد محد يزاود عالدنيا زايد
حُسـيناً وا حُســينا ..(٢)
ــــــــــــــــــــــــــــــــــــــــــ
- سامع إذا حَبْ الگـلب
الرادود | مجتبى الكعبي
الشاعر | شاكر الصيمري