كلمات قصيدة نريد القبول محمد باقر الخاقاني مكتوبه كامله
لطمية نريد القبول محمد باقر الخاقاني
بعطر ماي الوفه توضيت هايم
علىٰ أُم الأربعة أحچي بزود خادم
أعله باب أم الشهامة أسجد أتاني
حُـبها كفاني
كل دموعي منها قربىٰ لـ بَني هاشم
علىٰ أُم الاربعة أحچي بزود خادم
دمعي للخدر وأدعي
من فضلها أبچي للـماله أخو ينصره
نوحي وحزني و جروحي
غايتي و الوسيلة لرِضا الزهره
گلها يا دين الوفه الليلة أنجمعنا ببابچ
دخيل حجابچ
وأنتِ أبو اليمه بعظمته يسوط جدر ثوابچ
دخيل حجابچ
عالخيم كسريلي گلبي و المُصاب مصابچ
دخيل حجابچ
نريد القبول وجيناچ يـ أم الاربعه
بضنك المحول وانتي حياضچ مُترعه
ـــــــــــــــــــــــــــــــــــــــــــ
أذا حب و أجر ودموع رايد
بچفوف أم البنين الخير زايد
توسّل بـ أم گمرنا و ما تعوفك
أرفـع چفوفك
بس عليها اني أنتكل مو غير واحد
بچفوف أم البنين الخير زايد
هيَ تكفلت بيَ
بس لأبن فاطمة يلطمن إيديه
تهمني حُبها علمنّي
حُب عطاء مو ربح والعمل نيَـه
حُبها خلّه گلبي ذاب بخدمتي للكافل
دخيل أبو فاضل
ولأبو الأكبر و لغربته مدمعي يضل سايل
دخيل أبو فاضل
ما أساوم على الخيمة و عالضلع ما أجامل
دخيل ابو فاضل
كل همي أنول مرضات سبع المشرعة
بضنك المحول وانتي حياضچ مُترعه
نريد القبول جيناچ يأم الاربعة
بضنك المحول وانتي حياضچ مُترعه
ـــــــــــــــــــــــــــــــــــــــــــ
وأذا رايد دمع عيناك سايل
توسل بالوفيه أُم أُبو فاضل
بس كل هذا مولاتي دخيلچ
ممنون أجيلچ
تريد تصبح كد الحجاية ومراجل
توسل بالوفية أُم أُبو فاضل
أحچي و أنكسر و أبچي
ولا تيأَس إبد من عطاياها
يمها كلشي و بدمها
ﷲ حط كل محنة بني طـه
گلبك برحمتها بس يعرف مصيبة مولاه
أباعبدﷲ
يذوب گبل أم النشامة لو گلب يصرخ آه
أباعبدﷲ
ويا جفن يبجي على خدره تگابله وتبجي وياه
أباعبدﷲ
ويلاه أگول هاي المصيبة الفاجعة
بضنك المحول وأنتي حياضچ مُترعه
نريد القبول جيناچ يأم الاربعة
بضنك المحول وأنتي حياضچ مُترعه
ـــــــــــــــــــــــــــــــــــــــ
بخدمتي شما ردت من ﷲ غِيره
على باب أُم الحوائج وجهي أديره
شما تجف جروحي تلچمهن اليه
ترجعلي ديه
عمري كله بالصغيرة و الچبيره
على باب أُم الحوائج وجهي أديره
آيه للوفه و رايه
ترفرف بكل عزائات أبو الأكبر
گلبي خايف و دربي
ينمشي بلاية رحمتها ما أكدر
عندها إبن نفس الحُسين و بَخته غطّة الوادم
قَمَر بَنِي هَآشِمْ
ورأيك و رأي الخلگ عوفه و تعناه نادم
قَمَر بَنِي هَآشِمْ
گله رايد صَك كفاله حتى أصيرن خادم
قَمَر بَنِي هَآشِمْ
خلِّ يطول وقوفه گلب المرجعة
بضنك المحول وأنتي حياضچ مُترعه
نريد القبول جيناچ يأم الاربعة
بضنك المحول وأنتي حياضچ مُترعه
ــــــــــــــــــــــــــــــــــــــــــ
- نريد القبول
الرادود | محمد الباقر الخاقاني
الشاعر | أحمد الهلباوي