كلمات قصيدة مودعين سيد سلام الحسيني مكتوبه كامله
لطمية مودعين سيد سلام الحسيني
مـودعين
غبشه فراگ ورحل شمل السنين
وللسفر تتحضر اعيال الحسين
بالهوادج صعدن ازغار البنات
وللضعن ذبلانه وردة ياسمين
طفله تنحب للضعينه
اتعاين لمحملها وينه
ظنها ترحل وي اهلها
ظلت تنوح وحزينه
كل ظنها ترحل ويه الضعون
مكسورة خاطر تجري العيون
مذبوح املها توادع حسين
وتگله اعيش بدونك اشلون
حسيـن حسيـن حسيـن
كلـشي مـات
...................................................
حتئ ضحكات الزغر والأمنيات
بس دمع باقي ويواسي الذكريات
تبچي مكسورة گلب من الرحيل
ما خذاها حسين ابوها ويالخوات
من يمر حزن المسيه
تبدي تشتاك لرقية
تذكر اسوالف اختها
وتنتظر من عدها جيه
تنطي الوجه بالمغرب لوين
دون الأهل تستاحش العين
نوح ومدامع ينگضي الليل
وجرح الهجر تارك نياشين
حسيـن حسيـن حسيـن
للـخيام
..................................................
ويه جنحان الهوى تودئ السلام
والدمع من ينكتب ابلغ كلام
تشكي المن من يمر ليل الضياع
وتخطر طيوف الضعن كلما تنام
طول حسيـن برحيله
سفرة العاشر طويله
والهجر كاسر غصنها
ذبلت وصارت نحيله
بالعله لو بالفركه تحتار
ظل عدها ثوب حسيـن تذكار
كلما تشمه تزيد الجروح
والعطره تحجي احلام الزغار
حسيـن حسيـن حسيـن
بيـه خـوف
..................................................
مر على العين وخطر حلم الطفوف
خيل وخيام وحرك صارت تشوف
وچن حوافر داست بصدر الحنين
وطايح حسيـن الظهر بين الألوف
شافت بطيف الرزيه
عالصدر خيل اعوجيه
فزت ومرعوبه صاحت
وينه درب الغاضريه
كعدت تنوح وتلطم الراس
مذبوح ابوها وعمها عباس
ضعن دلال بلا ولي يروح
عگب الكفيل الغربه حراس
حسيـن حسيـن حسيـن
............................................
مـودعيـن
الـرادود : سيـد سـلام الحـسينـي
الشـاعـر :علـي ابـوعـراق