كلمات قصيدة مشكور يابو علي حيدر البياتي مكتوبه كامله
لطمية مشكور يابو علي حيدر البياتي
مشكور من حاسبني من خدامك
مشكور ما حارمني من أيامك
خليت فضلك على عيني وراسي
خليت خدامك إخوتي وناسي
وياك ماشي الدرب
يحسين وادموعي تصب
تبعدني ما عندك كلب
يحسيني
الخدام صاروا هلي
مشكور يابو علي
-------------
يحسين من خادم الك خليتني
شرفت إلي وبين البشر عليتني
من كلبي لجلك طلعت كل غالي
يا تاج راسي بخدمتك هنيالي
إنت الوحيد أمن البشر
من تكرم مغمض نظر
كلمن مشى بدربك كبر
يحسيني
وبهاي.. شرفت إلي
مشكور يابو علي
--------------
يالفوك راسي تمطر بخيراتك
غير إنت الحسين شكبر وكفاتك
كلما أجيك وناري تسعر بيّه
ألكه الهله والسهله والمكضيه
كلما أجيك أتوسلك
جن ضامهن واتكلي لك
فدوه رحت ليك وهلك
يحسيني
ما يوم أرجع خلي
مشكور يابو علي
-----------
بين المجالس خلصتها سنيني
المنبر أبوي وهو المربيني
وبمدرسة خدمتك رافع هامه
ودوم أول أطلع آني عاللطّامه
والحمد لله والشكر
يحسين خلّصت العمر
روحي على دربك نذر
يحسيني
وهالصوت... ظل معتلي
مشكور يابو علي
-----------
خدامك بروحي رسمت أوصافهم
حتى من أموت إنشال فوق أكتافهم
لو شيّعوني للكبر خواني
عندي عقيدة بكبري تتلكاني
من أكضي يمك دنيتي
يرتفع راسي بموتتي
وجهك ضواي بحفرتي
يحسيني
الظلمات... بي تنجلي
مشكور يابو علي