كلمات قصيدة لا تدير عيونك محمد باقر الخاقاني مكتوبه كامله
لطمية لا تدير عيونك محمد باقر الخاقاني
روح ولاتدير عيونك عليّ
ترى لموادعك يابويه مابيّ
------------
عليلة وما بقتلي اجدام توگف بالوداع اوگوف
غافل عيني بويه وشيل بعد مابيّ حسرة وخوف
بظعنّا هواي شفت جروح بعد ما اريد عيني تشوف
حسّب من توادعني
ما اهدك يعايفني
غرگانة وتچلب بيك ايديه
روح ولاتدير عيونك عليَّ
-------------
وحگك من توادعني وبيدك تومي الي بممشاك
گبل الخيمة تحرگني چلمة بويه الله وياك
گلب ماعندي اشوفنك تمشي وتلتفت عيناك
عليّ لاتلتفت يحسين
الحگك من تدير العين
ماتتحمل فراگك هالبنية
روح ولاتدير عيونك عليَّ
-----------
گبل غربة هلك يحسين عشت الغربه لون وحال
ظعنك شال مدري الحيل مدري الدهر هذا الشال
كل خطوة بمشيكم آه اصيح ويم ابوي البال
شيهيد الگلب شيهيد
ومغرّب ظعنّا بعيد
يرد لو ما يرد ما ادري بي ليَّ
روح ولاتدير عيونك عليَّ
-----------
انا اول عليلة شوگ گبل الطف خذاها الهم
شفت بوجوهكم كلشي من نار الخيم للدم
وعطش ياخذها روحي عليك كل ما ناگة تتقدم
طف باچر عليكم بان
هيمة ونار بالصيوان
وتركض خايفة من الخيل علوية
روح ولاتدير عيونك عليَّ
-----------------
ذيچ النار ذيچ الخيل ذيچ الغربة والحيرة
وظعنك ذاك بيد الناس رايح مدري ياديرة
وخرابة تراوت لعيني بيها اندفت صغيرة
هلي حاني الهجر طولي
چنكم ما ترجعولي
اظن هذا الظعن مابي بعد جيه
روح ولاتدير عيونك عليَّ
--------------
*{{ جروح: عباس الشبلاوي }}*