كلمات قصيدة كلشي راح سيد فاقد الموسوي مكتوبه كامله
لطمية كلشي راح سيد فاقد الموسوي
گالولي اجو أركض عليّ
بيتك علي راح
كسروا ضلع من فاطمه
و ابنك علي طاح
رحت اركض ركض كسرة بطرف جامه
وكاحت گبلي يم الباب العمامه
آنه ابو الحيل و بقيت بلايه حيل
شلون هاي !
اسمع اسمع الله يعين گلبك صاحت
الوادم وراي
كلشي راح حيلي و ام بيتي وغلاتي
كلشي راح
يا فاطمه يا فاطمه ..(٢)
ـــــــــــــــــــــــــــــــــــــــــــــــــــــــــــــــــ
من غمضت طاح الدمع
من عيني للكاع
شلت أم حسن بيدي و صحت
موهيج الوداع
درب گطعه وظلام و فوكي الجنازة
رحت شاب و رجعت امشي على عكازة
شفت روحي و كلت هذا منين
ابو الوجه الغريب
حتى زينب تيهتني بكثر
ماطالعلي شيب
بالوداع كبرتني هواي كلش بالوداع
يا فاطمه يا فاطمه ..(٢)
ـــــــــــــــــــــــــــــــــــــــــــــــــــــــــــــــــ
للبيت اطب وبيا عذر
صدگوني محتار
شيضل بعد بية اسمعت
تتباچى الزغار
جبتها بنص ولدها ميته مو ليله
هذا يحب بأديها و ذاك بالشيله
فضّه من غرفتها طلعت شايلة
المحسن ذبيح
كضيت گلبي و الله وأكبر
گمت اصيح
أبني مات بعده ماشايف الدنيا ابني مات
يا فاطمه يا فاطمه ..(٢)
ـــــــــــــــــــــــــــــــــــــــــــــــــــــــــــــــــ
من الگبر هسه أرجعت
برموشي التراب
ترد الصور كلما شفت
يمي انفتح باب
أكعدي و شوفي ابو حسنيج يعافيتي
الدنيا اندلها كلها و تيهت بيتي
راجع التابوت فارغ حاط بي حزني
من أجيت
و ثگلت اهدومي على اجسمي بكثر ما
يمها بجيت
حيره هاي امشي خطوة و ساعة اكعد
حيره هاي
يا فاطمه يا فاطمه ..(٢)
ـــــــــــــــــــــــــــــــــــــــــــــــــــــــــــــــــ
شوفي شكثر يا فاطمه
متعوب ابو حسين
ملتني گد ما أنتجي
حتى الحياطين
الناس تكول شوفوا شصاير بحاله
القالع باب خيبر عثّره خياله
هي هاي الهاظمتني گبالي من
سبّلتي اديج
اليموت عليج يمج عدل
ما ميت عليچ
يا فاطمه يا فاطمه ..(٢)
ـــــــــــــــــــــــــــــــــــــــــــــــــــــــــــــــــ
الرادود | سيد فاقد الموسوي
الشاعر | محمد النوارس