كلمات قصيدة جا وينكم ياهل الفراضه كرار العبادي مكتوبه كامله
لطمية جا وينكم ياهل الفراضه ملا كرار العبادي
جاوينكم يهل الفراضه
تلفون لم عون بعراضه
تصيحون زينب مو غريبه
يهل المحنه شلون تگضي
اليله بسنه عله ام عون تمضي
مو ماي شبعانه مصيبه
طلعت المستوره ركض طاحت وگامت مرات
تسحب هضم راح الهوه من طاح راعي الكلفات
ليمت بعد يكضي العمر وسنيني خلصت حسرات
گاضيه ومحد لفاها
تتراكض الوادم وراها
هاي الجبيره المالها خوان
ضلت ولا واحد حماها ..
-------------
ليمت بيا طگه تگومون
عل راس لو طگات المتون
شفتو الخيام وماكعدتو
أزرگ متنها المالها خيال
كاع الله متروسه بلعيال
ياريتكم ركضتنه شفتو
ماشايفه وياكم مشي جا تالي اركض ترضون
جبتوني موش مدوهنه وأدوهنت هسه ام عون
مو من كتل ريجي العطش من مارضيتو تگومون
تگومون لو صيحن يحيدر
بتك غدت بلهيمه تعثر
واخوانها مطروحه بلكاع
من حسين للعباس تفتر
------------
طايح عله الغبره لواكم
نسوانكم ضلت وراكم
بلهيمه محد فازعلهن
اليفزع يشتم موش نغاي
تاهت العشره وتايه الراي
عيوني بكتر عينك عفتهن
عيوني اليشوفنكم بعد مايردن يشوفن جيش
مثل الشمر خل ينذبح وحسين مفروض يعيش
محد يقدر محبسك بلسوك ينباع أبيش ...
يردون ب أرخص ثمن ينباع
يبدون ماي كبالي بلگاع
ادري اليموت تودعه الاخوان
ماحصلت شو منكم وداع ....
-------------
ردلي المهر والسرج معووج
ضمدت جرحك شفتك تلوج
وكمت امسح الدم بعباتي
ثاري العبايه مترسه تراب
وتلجم جروحك والگلب شاب
تمنيت ساعتها مماتي ...
غطيتك و شفتك لجت فشله أزلمه يضل عريان
بس كلهن تراب العبي وانته عله نحرك نيشان
كلش تعور بلگلب يحسين ميت عطشان ...
عطشان يمنشف لهاتي
كعده صفت عگبك صلاتي
عطشانه خوه شلي بلماي
واكثر عطش بيه لمماتي ...