كلمات قصيدة هوه اليفارك حبيبه سيد فاقد الموسوي مكتوبه كامله
لطمية هوه اليفارك حبيبه سيد فاقد الموسوي
قصيدة:(هوه اليفارك حبيبه)
الرادود: ملا سيد فاقد الموسوي
الشاعر: محمد النواسر
ــــــــــــــــــــــــــــــــــــــــ
هـذا حـالـي ... هـذا حـالـي
رحت شايلهه ودمعتي تعبت وجه السمه
ومن رجعت الشيب ماكل حاجبي من فاطمة
انه ماخفت بحياتي وهسه خوفني الدمه
بثوبي اول مره اعثر وانه حيدر الزلمه
بين اديه ... شايل الزهره. وابنهه
بين اديه ... ميته وتسولفلي عنههم
يمكن ايامي قريبه ... الوادم بعيني قريبه
هـذا حـالـي ... هـذا حـالـي
ـــــــــــــــــــــــــــــــــــــــــ
شايل الدنيه اعله چتفي واهس الدم موش الي
خلصت عمري وي فاطم دوم اگله ادللي
السمه اندلها وطرقها وهسه ما اندل هلي
تيهت والگاع صاحت هذا دربك يا علي
من خذتهه ... صارت بطولي دمعتي
من خذته ... راجع اكبر من صفنتي
ساعت اوداعچ رهيبه ... الوادم بعيني غريبه
هـذا حـالـي ... هـذا حـالـي
ـــــــــــــــــــــــــــــــــــــ
انه ذاك القلع خيبر وهسه صعبت گومتي
رحتي من عندي وغلاتچ وياچ راحت فرحتي
دمعي چنت ابير اضمه هسه شافو دمعتي
فاطمه اتمنيت انا وياچ صارت موتتي
باليفارك ... شتلگه باليدفن حياته
باليفارك ... مشتهي جروحه ومماته
گلبي مايبرد لهيبه ... الوادم بعيني غريب
هـذا حـالـي ... هـذا حـالـي
ـــــــــــــــــــــــــــــــــــ
احترك وابچي اعله روحي چني خيط البشمع
هوه اليفارك عزيزه كلشي ابد ما يقتنع
وانه اغسل بيه عيني وشلت كل دمع
ميته اخ ايدك يا علي جست الضلع
هذا ضلعي ... شيل ايدك عورتني
هذا ضلعي ... علوجع ما عودتني
حالت الزهره عجيبه ... الوادم بعيني غريبه
هـذا حـالـي ... هـذا حـالـي
ــــــــــــــــــــــــــــــــ
طبع اليودع يدور بروحه عذر
رحت شاب ومن رجعو مبين عليه الكبر
من شفت وجهچ يبيتي بي اثر چف السطر
انه اول شخص يمكن شاك ثوبه اعله الگبر
حته ثوبي ... ماسلم بيدي ابوراها
حته ثوبي ... گال اخذني يم ضناها
انه لو هيه السليبه ... الوادم بعيني غريبه
هـذا حـالـي ... هـذا حـالـي
ـــــــــــــــــــــــــــــــ
احترك وابچي اعله روحي چني خيط البشمع
هوه اليفارك عزيزه كلشي ابد ما يقتنع
وانه اغسل بيه عيني وشلت كل دمع
ميته اخ ايدك يا علي جست الضلع
هذا ضلعي ... شيل ايدك عورتني
هذا ضلعي ... علوجع ما عودتني
حالت الزهره عجيبه ... الوادم بعيني غريبه
هـذا حـالـي ... هـذا حـالـي