كلمات قصيدة هب يا هوا الملا محمد باقر الخاقاني مكتوبه كامله
لطمية هب يا هوا الملا محمد باقر الخاقاني
قصـيدة : هب يا هوا
اداء : محمد باقر الخاقاني
كلـمات : احمد اللأمي
✮✮✮✮✮✮✮
ليل ونظر زينب طفه
وحاچت ظلامه بعبره
وين الله و يْهب الهوه
واندل اخوي بعطره
خيمة ودمع
وليل ودرب ما ينگطع
وزينب تريد المنصرع.. خيمة ودمع
هب يا هوه
دليني اخوي بنينوى
ما يحصل لعيني ضوه.. هب يا هوه
يا هوه هب من اجروحه
ودليني اول ما تهب
من امس يومين صارن
وابن امي ما ظاگ الشرب
{أي واحسيناه}
✮✮✮✮✮✮
ظلمة وطفه لون النجم
هب يا هوه ودليني
خليني اشم عطره واجيه
نتوادع ايتانيني
طافي النجم
وظعوني ما بيها زلم
والليل ما دلى جدم.. طافي النجم
عندي اخو
يصيحولي لو غمض منو
خوفي سلب هدمه عدو.. عندي أخو
ماي حملني واخذني
واتبعني شايلك نعش
المات عطشان بدفنته
يخضر على جروحه العطش
{أي واحسيناه}
✮✮✮✮✮✮✮
عالتل چنت يمه الظهر
وتوني رجعت يا ليلي
ما اندل التل اصبحت
وحيلي الظُهر مو حيلي
ظلمه ورحت
ونيشاني تل وضيعت
لو أدري ما منه نزلت.. ظلمه ورحت
خيل الظهر
راوتني شي ما ينذكر
من صدره شو جابت عطر.. خيل الظهر
ركظن وآنه بركظتي
والتل عله وما لحگت
يا هوه للتل اخذني
شيصير لو ترحم اخت
{أي واحسيناه}
✮✮✮✮✮✮✮
محتاره اظل يم الحرم
والباقي من خيمك
لو اطلع وظلمه الوكت
وامشي بدرب مو يمه
وين الدرب
خاف اسحگ الدم والترب
وما ألگه دم ألگه الغرب.. وين الدرب
بيش استدل
خاف اعثر بنبلة طفل
والگى الـ أريده مو عدل.. بيش استدل
أمشي وانه بلايه خيمه
والحومه ما تعرف مره
يا هوه هب اعله جسمه
ومشيني دمعه لمنحره