كلمات قصيدة ها هنا نزل ركابه محمد باقر الخاقاني مكتوبه كامله
لطمية ها هنا نزل ركابه محمد باقر الخاقاني
ها هُنا نَزّل ركابه
الشاعر: سيد مرتضى الياسري
-------------
ها هُنا نَزّل ركابه
بكربلا موعد مصابه
وأنفتح للرحمة بابه
ساعة الطاحن خيامه
ها هُنا نصبت الخيمة
چفوف عباس الرحيمة
وكلها تتنفس نسيمه
شلون من تعطش غرامه
ها هُنا تمت الصورة
بكربلا حط الله نوره
حسين واجتمعت زهوره
وكلها تتنفس هيامه
ها هُنا أرض الشهادة
حسين اجه وجايب اولاده
الطف لمن ياخذ مراده
مذبّحه تمسي النشامى
ها هُنا للحب مدارس
من وهب وجنون عابس
دمهم يفيض الفوارس
ويترس الدنيا كرامة
ها هُنا يتراوى الأكبر
بأتم صورة لجدّه يظهر
حجة الله على العسكر
بكل معانيه وكلامه
ألأكبر و للحرب رايح
ويا جمال يصير جارح
دعاء امه أنگلب صايح
يبني چا وين الوسامة
ها هُنا جسام عايف
عرسه وتلگى المراهف
شمعة داوي وهو نازف
بشيلته احتاروا عمامه
ها هُنا أم و أبنها
بنومته تارس حضنها
اذا راح ودر لبنها
الليل ماتگدر تنامه
ها هُنا عباس كافل
يغيب والموت المقابل
يصير طول حسين مايل
عالنهر يوگع حزامه
ها هُنا عاشور يومه
حسين عالتربان گومه
بينهم ينعرف نومه
ثوب ما فوگاه علامة
آه يأرض الغاضرية
ضيم أشد من المنية
ها هُنا دمعة رقية
ناحت عليها اليتامى
ها هُنا تحيّر العقيله
طيّحت خيمها ثجيله
أبن امها لمن تعتنيله
شلون تسحبهن سهامه
ها هُنا ركب الحراير
عالهزل غبشة يسافر
والموادع بالنواظر
والاخو انحرمن سلامه
مودعين الله يهلنا
ونمشي وي حارگ خيمنا
يريد للكوفة بظعنّا
والسفر ينتهي بشامه