كلمات قصيدة عباس ياساقي الخيم سيد سلام الحسيني مكتوبه كامله
لطمية عباس ياساقي الخيم سيد سلام الحسيني
سابع محرم مرهم . وطب العطش لخيمهم
ووشل الماي البلخيم
لعمهم اجو يشكوله . وبطوسهم راحوله
وسكينه جابتله العلم
يا عمنه يا ساقينه .يامن تكفّل بينه
ودگ النه صدره والتزم
الرايه هاي الرايه . وذاك الفرات المايه
اتأمرون گلهم وابتسم
إتناوش الرايه ابو فاضل واندار
وانعكدت النيه وجدح راسه الحار
ياهو اليبعده الماي عن چف مبخوت
اول صياره وگام باسه الكرار
عباس يا ساقي الخيم
___
مغضب وشد الثامه . وتومي وراه خيامه
شارِبَه رف ورايته
سبعين الف وگفوله . طبهم وصارت چوله
الموت الاحمر خزرته
رايتهم الشالوها . شافوه اجه وذبوها
وعا الرايه داست مهرته
الكتيبه اليطب ليها . صاح الغُراب اعليها
يعني الله نزلت نقمته
وركضت وصارت ناسها تحاجي بناس
ما سامعين بموت اسمه العباس
مثل الشمس من يهجم ايغطي الگاع
بس اليطم روحه اعله متنه يضل راس
عباس يا ساقي الخيم
_
بيمناه زَعَل بتاره . ويسراه اتطگ با الشاره
والريشه تكتل با البخت
طب للفرات ومايه . وعا الضفه دگ الرايه
والجربه بيده اتنومست
حطها وترسها بزوده . والماي حد زنوده
بزوده الشريعه اتولعت
اتوعْد اجيبه وجابه . وإدخيلها السبّابه
من اشّرت واتوعدت
امن اتوعد بسبابة ايده الوفاي
قبل أنْ تِرد الطوس جابلها الماي
سقاي هاشم لو نشف ماي الكون
مو صعبه من يخلق له شط السقاي
عباس يا ساقي الخيم
___
لمحو اطفاله عيونه . وركضو اله ايلاگونه
وبعيونهم جاسه الفرح
دنگ گعد وياهم . وبيده الگمر روّاهم
ووجه ابو السجاد انشرح
الماي جابه وجاها . وحتى الخيم رشّاها
جوده وجبينه حب نضح
شال الرضيع ابإيده . روّاه وبلل جيده
وبيده على اجبينه مسح
العنده ابو فاضل يعطش شلون يصير
يتنخه با العباس من ينشف بير
عباس ايد الله البسطها اعله الكون
الما تصير اذكر عليها اسمه تصير