كلمات قصيدة الغيرة العراقية سيد فاقد الموسوي مكتوبه كامله
لطمية الغيرة العراقية سيد فاقد الموسوي
الغيره العراقيه
سيد فاقد الموسوي
سيد محمد الموسوي
__
حيهم ياخدامه ماضل شي لايامه
نشمي لشد حزامه لحسيــــــــــنه
__
ماضل شي محرم جاي
وايام العمر تبدي
والي يخدم صدك محسوب
سيف بيمنه المهدي لو جندي
هاي الدنيه خد و عين
تفسير المثل عندي
معناها انه غير حسين
والدمعات الي بخدي ما عندي
ربي عمري خادم خلصه
للدمع محرم فرصه
وي حبيبي عايش قصه
حاير بيهه القلم
حبه شرد اسولف عنه
يابشر يوصف الجنه
ماكدرنه نشبع منه
واسئل كل الخدم
غالي حسين هوايه ويريد الوفايه
ياهو يشيل الرايه بجفيـــــــــــنه
__
نستقبل محرم كون
بالغيره العراقيه
شايف ركضه الخدام
يم باب الحسينيه ليليه
شايف بجيه الشياب
شڪد متروسه حنيه
ويا لطمة شباب الشور
تشعر بيه روحيه روحيه
نعمه المجالس فطره
بيها نخدم ابن الزهره
عدنه عشره مو عشره
نعشڪ من گل ڪلب
لو سمعنه مجلس نرڪض
نلطم على هذا الينبض
مايهمنه حجي اليعرض
مايمنعنه الدرب
ضوه العالم نورك مخلوقين نزورك
مايوم وعاشورك ناسينه
__
خل تتحضر الرايات
وحزام الخدم ينشد
ادري الخدمه مو باللون
بس ياهيبه الاسود من ينشد
اخدم وبذل اعلى حسيــــــن
لاتحسب صرافت شگد
اول خادم العبـــــــاس
وسعر جفوفه ماينعد ماينعد
الله من رزقني الخدمه
هي هاي اكبر نعمه
عمري فدوه يا ابو اليمه
خل يكضي بخدمتك
ياحبيبي يا ابو جروحي
ماكو غيرك انت بروحي
انعم الله يا مذبوحي
من الزم رايتك
كل خادم ذب حيله بجاه الزهره ادعيله
اسمه بهاي الليله مسجلينه
__
لحد اخر نفس بالروح
ماتخلص مجالسنه
عشكك يندرس مفروض
يحسين بمدارسنه بمدارسنه
كون الطف صدك ينعاد
واحنه بهاذا واهسنه
من نفزع يبو السجاد
بس عابس ينافسنه ينافسنه
والله لو ترد ايامك
مايمر هوى على خيامك
تدخل الحرب خدامك
وي عباس القمــــــر
معركه على المسنايه
جيش اميه والمشايه
للنصر ترف الرايه
ونهوس على النهر
رد يحسين لدارك فزعولك زوارك
بالطف وي انصارك خلينه
__
ادعي شما شلت جفين
يارب هل سنه هايه
كون انه بضريح حسيــــــن
من تتبدل الرايه بالرايه
واحضر مجلسك كل يوم
والطمله بشكو قرايه
واخدم جية الزوار
ومشي نوبه مشايه مشايه
عمري بس الگ يحسيني
فدوه الگ دمعي وعيني
ادعي لو شلت جفيني
منك ما انحرم
غالي يالتدك بصدري
شحصل اليعوفك مدري
والله ريته يخلص عمري
وانا بمجلس لطم
كون تصيح الوادم الله يرحمه الخادم
موت وكلبك هايم بحسينك