كلمات قصيدة اخر عتب سيد فاقد الموسوي مكتوبه كامله
لطمية اخر عتب سيد فاقد الموسوي
هذا اخر عتب يالكاسر الروح
يمن ماعاودت حتى ويه الطيوف
دريت ابخاطري شكد بات مكسور
وشكد واهسي الملكاك ملهوف
ترى نيشان هجرك ضال مفضوح
جبير وماتكفي اتضمه الجفوف
خل طيفك يجي خل ياخذ العين
ضلتها شني لاماي لاشوف
يخوهن ماتحاجيهن. وكلهن خلهن ايغمضن
لا جابك سهر ليهن. ولاهن من عمن كفن
بلا شوف ويتانن بيك ادري شيردن ايحصلن
ـــــــــــــــــــــــــــــــــــــــــــ
شيحلها وياك يالماطالت وياك
عشرتي وشوكي ضل يتعده حده
يالتدري الهجر لوطال موخوش
بطيت اعله الكلب يالما معوده
ذكرتك جرحك الضل بين الضلوع
وهمك كلبي هذا الضال عده
الم لسمك بكايه الحيل ضليت
وحط سوالفك وحده عله وحده
غابت كل شمس بروح فراكك يمته شمسه تغيب
بعدهي وعتكن جروحك. و انه ادري العتيك ايطيب
متانه المايجي جاغير. شلعان الكلب شيجيب
ــــــــــــــــــــــــــــــــــــــــــ
وحك اخر ايام وياك يحسين
اوحك اوداعنه الكوه اعله الكلوب
كون صواب كلبك ساعه ياخوي
لاكل ساعه كلبي عليك مصيوب
التعب يكضي وسوالف تكضي الايام
ولاكن موش كل متعوب متعوب
وعلي لاليلي لاليل ولا ارتاحيت
وصبح كل يوم عندي يصبح اغروب
اعله حال اختك شسولفك. شكلك زين لو موزين
المغرب ماادري شتكول. اليخنكها الصبح يحسين
تعال وحاجي التانيك وكلها بطلي شتانين
ــــــــــــــــــــــــــــــــــــ
يبس عود الصبر كد مااتانيك
وكلبي ايصبح ويمسي اعله نار
ثكيله وماتخلص عيشت بجفاك
عشتها وعمري كضيته بخساره
امر من عنده ماكو هذا يحسين
وعلي حتى الجفه موش بمراره
اذا روحك تباري اجروح اليموت
هاي السالفه الما الها جاره
اخر سالفه الطاريك . وهذا اخر نشد عنك
كوه ايطلعن اعله الروح اليعورني وعورنك
تالي الخوه جا موهيج. ادلل بالبقن منك
ـــــــــــــــــــــــــــــــــــ
يتالي الروح كثرن يوم عن يوم
كدرت الكلشي بس ماكادره الهاي
من المنهن وكلك هاك شتكول
ضيمك والجفه الضل عايش وياي
كبل جان الدرب يبعد وتانيك
بس هسه الكلوب بتعدت هواي
دوه الفاكدله اخو لو موت لو موت
حتى بهاي ضل يتعطل ادواي
شلون شتهون ماادري. بعد حتى من كول تهون
المغرب والهضم والليل. وشيب جفاك شلون
يالخليتني بفركاك. مثل بسوالف اليبجون