كلمات قصيدة غضب الله الرادود حيدر البياتي مكتوبة كاملة
قصيدة [ غصب الله ]
الرادود : حيدر البياتي
الشاعر : مصطفى العيساوي
------------
غضبُ الله لوه شايل
علي سماه ابو فاضل
علي الثاني ابو الغيره يسمونه
سلام الله على جفوفه وعلى عيونه
__
على هونك يالجمال الدنيا كلها عيونك
على هونك انت واحد ماكو اليشبهونك
اخلاقك مدرسه . أوصافك مؤنسه
يوم الطف واهسه . چف عباس
نظراتك ، ترست الدنيه خجل نظراتك
خزراتك ، طيحت عين الشمس خزارتك
يالكلك تختلف ، يالضلك يسوه الف
منو مثلك يا كلف بين الناس
سر شفناه رباني
تره عباس علي ثاني
عميد الماي رتبه الجربه بمتونه
سلام الله على جفوفه على عيونه
ابو فاضل
__
من تزعل كل قوانين الارض تتبدل
من تزعل عگدت الحاجب جبل للاسفل
يالكلك بالحرب ، علي حيدر تنكلب
على سيفك موصعب ، يفني الكون
من ترضه بالصخر يطلع ورد من ترضه
يتوضه الماي بيك بگل صلاه يتوضه
يا اغله من النهر ، يا احله من الكمر
يالماكو بالبشر ، هيج عيون
اخو زينب صحنه الله
من يغضب سيف الله
سمه و اهل السمه نزلو يزورونه
سلام الله على جفوفه على عيونه
ابو فاضل
_
كلماتك بحث خارج تندرس كلماتك
خطواتك حارت اهل المعرفه بخطواتك
ياعلم بالوفه ، وستاذ المعرفه
بس يمك هالصفه ، ساقي الماي
هنياله بجفك انشال العلم هنياله
يحلاله سمه ابو فاضل صدك يحلاله
يحلالك هالاسم ، يالبيتك عالنجم
بيا ريشه تنرسم ، يا مولاي
يا رسام ، صولاتك
فوك الماي ، بصماتك
الف رسام ما كدرو يرسمونه
سلام الله على جفوفه على عيونه
ابو فاضل
__
حجه سيفك شردو السابع ظهر حجه سيفك
عله كيفك الزلم شردت بالعكس عله كيفك
الما مات ينقتل ، والميت ينسئل
هنيالك مو عدل ، حتى تموت
بجيها ذوله اشباه الزلم بجيها
صافيها بسيفك أخبطها وخذ صافيها
اخصمها المسئله طشرهم بالفله
ينراد بكربله ، شكم تابوت ؟
عزرائيل يوم الطك
يحسب روس ما يلحك
مثل موت و يطبهم ما يشوفونه
سلام الله على جفوفه على عيونه
ابو فاضل
__
هله بيها رايتك يا با الفضل هله بيها
ندريها تنعكد يوم الشدد ندريها
هالرايه والنعم ننخاها بالمهم
بجفوفك ياشهم رحمه وخير
بني هاشم انا دخيلك ياقمر بني هاشم
مو لازم انت عندي للبشر مو لازم
غطيني برايتك خليني برحمتك
يالكافل نظرتك عنهم غير
من احتاج واتمنه
للعباس اتعنه
كريم وما يرد محتاج تدرونه
سلام الله على جفوفه على عيونه
ابو فاضل