كلمات قصيدة مرتضى حرب عباس ياكسرتنة مكتوبة كاملة
الـقصـيدة : عباس يا كسرتنة
اداء : مرتضى حرب
كلـمات : عباس كريم
✮✮✮✮
عباس يا كسرتنه .. بيمن نسد مچانك
ما تنوصف حيرتنه .. لمن هوت ذرعانك
فيايك وأن رد حسين محني ويمشي بالگوه
شنهي الصار يا ستار راجع جنه مو هوه
من اتلكا شحجي ويا يا جلمه لبعد تسوا
ضل وحيد وانت بعيد وراحت جلمه الخوا
وكتله البلت يا خويه ومتغيرات الوانك
عباس يا كسرتنه .. بيمن نسد مچانك ما تنوصف حيرتنه لمن هوت ذرعانك
✮✮✮✮
گتله تشوف لون الخوف يا خويه شعمل بينه
ذاك النور رد مكسور يمشي ودمعته بعينه شكد مهيوب بس متعوب ساكت ما يحاجينه كتله الماي كال عضاي وتشابگنه وبجينه
لتگلي اخوجن طايح .. مو حلوه من لسانك
✮✮✮✮
جروحه كبار من اندار بعدك خنگته العبره
راد يصيح شنهي يصيح من يتباوع الظهره
بلا عباس هاي الناس تغدره وينذبح نحره
لماله خوان بالميدان يطيح وينسحگ صدره
واسمعهم يصيحوله .. يحسين وين اخوانك
✮✮✮✮
الطف جان بس دخان وخيمه ستري حرگوها
حيرة وموت واسمع صوت زينب للسبي اخذوها
خل تروح كلها جروح وعلى اخوتها عبروها
بهذا الحال واحد گال يم كافلها وگفوها
ويمك وكف حادينه .. يگلك سبو نسوانك
✮✮✮✮
كون هناك ميته وياك ولا مشوني مسبيه
مشي النوگ وسط النوگ لو تدري شعمل بيه
شنهي الماي ردت فياي طولك ما كسر فيه
بصحره مشيت واتحفيت تقبل وانه علويه
يا خويه ما رحموني .. بدرب السبي عدوانك
✮✮✮✮
وين الگاك يالفرگاك غير كل معانينه
بين اجناب ما ينهاب ضعنك من رجع بينه
صار الكون كله عيون كلها تباوع علينا
وراسك مال مدري شگال من صاحوا بأسامينه
بس العبي ما طاحن .. بيهن شرف عنوانك