لطميات مكتوبة لِلنِّسَاءِ 2024 جديده مكتوبة كاملة
فزاعيه جنوبيه للعباس ع
****
يبو الكلفات كوم لزينب بساع
غريبه بكربله وتريد فزاع
****
طلعت بليل خويه دوريتك
نايم عالشريعه من لكيتك
صحت عباس مهضومه اجيتك
اختك بالطف اتولوهه
يخويه مو وكتهه نومة الكاع
يبو الكلفات كوم لزينب بساع
**
آنه بعازتك لتكول مدري
واريدن فزعته لكفال خدري
اموذر عالتراب دمومه تجري
يالهيبه يالكلك غيره
شلون تعوفني ها يبن الاسباع
يبو الكلفات كوم لزينب بساع
***
يبن حامي الدخيل شلون بلوه
أنه بعازة يمينك يابو المروه
احلفنك يخويه بداعة الخوه
انهض لتخليني بحيره
من طاح العلم خويه البخت ضاع
يبو الكلفات كوم لزينب بساع
***
حرمه ابلا ولي انطي الوجه وين
ابو فاضل كطيعه جفوفه الاثنين
وبسهم الغدر طفوهه للعين
بعامود الهامه يطروهه
خربوهه لمعاني حلو الاطباع
يبو الكلفات كوم لزينب بساع
***
هضموني يخويه وجيت احاجيك
تصب دمعات عيني واعتب إعليك
كتلتني الشماته وين ألاكيك
من صاحو زينب طلعوهه
لسومك بالعمر لو عمري ينباع
يبو الكلفات كوم لزينب بساع
****
حركوهه الخيم خويه عليه
بحبال السبي شدوهه اديه
راس حسين فوك السمهريه
عطشان الوالي يذبحونه
ياكلبي شبعد تتحمل اوجاع
يبو الكلفات كوم لزينب بساع
****
حجيت وياك بس مذهولة الراي
عتبي اعليك وادري بيك وفاي
مو بيدي الكلب للخوه عناي
فلت والخوه اكضيناهه
اعوفنك غصب هذا آخر اوداع
يبو الكلفات كوم لزينب بساع
****
أم علي
قصيدة لثاني يوم عاشوراء
كاني بمولاتنا زينب ع. تخاطب شهر الحرام. وكأني بها تقول…..
🧿🧿🧿
نعي.
شماله الشهر مسرع يالخوان
چنه اليوم ثاني من شهر الاحزان
اعاين للنشامه حضرت الاجفان
النزلة …..
.مسرع ليش. ياشهر اليونون
ريض للنشامه ولليعلون
🧿🧿🧿
مسرع ليش ياشهر الاذيه
بايامك ولك تركض عليه
خوال ابني راحت من اديه
((عله النبيه//شمالك مسرع))
🧿🧿🧿.
ثاني اليوم وانه معذبه احوالي
وين انطي الوجه لوغرب الوالي
وانه امخدره والفخر يحلالي
((وبت الهيبه//علويه انه))
🧿🧿🧿
انه الهاشميه ياشهر تدري
بخواني ولك ليش كسرت ظهري
خلي اخوان گلبي وهاك اخذ عمري
((لاتدناها//ارجال العز))
🧿🧿🧿
ياشهر الحزن والنوح تاذيني
اشمن بيك ريحة موت حاجيني
لتگلي بولينه راح تچويني
((تاذيني//بسباع الملعب))
🧿🧿🧿
جنها اتگربت والخيل منتظرته
حتى ادوس صدر المدلل الزهره
هجم بيت الگلب ياناس ياصبره
((ونشوفه//حسين يعالج))
🧿🧿🧿
تمت بعون الله وتوفيقه
✍️ام ذو الفقار إسراء اللامي
قصيدة للسيدة فاطمة العليلة عليها السلام
***
اعاتبكم ودمع العين سچاب
رضيتو اشلون بالفرگه يالاحباب
اعاتبكم يمن رحتو ومشيتو
وبحال العليله ما دريتو
بعدكم ما حله عيشي ولا طاب
رضيتوا شلون بالفرگه يالاحباب
**
سؤال وبالي كل لحظه يعيده
شغل فكري وجوابه اليوم اريده
ٱنه شسويت عفتوني وحيده
شنو ذنبي واظل عنكم بعيده
فرگتكم هلي تصعب عليه
وٱنه زغبره ولا احمل اذيه
اسألكم واريد اليوم الجواب
رضيتوا شلون بالفرگه يالاحباب
****
ثگيل فراگم ماليه حيله
عفتوني ولا چني العليله
ويله من الهجر دلالي ويله
وحسراتي ولا تخلص طويله
عليله الروح بغياب التحبهم
تريد تروح ما تندل دربهم
اظل امناطره وعيني عله الباب
رضيتوا شلون بالفرگه يالاحباب
**
بت حسين آنه وضايع دلالي
وحالي بالبعد ون اعله حالي
حلالي النوح بالفرگه حلالي
وحشه خلافكم يهلي الليالي
ادور وينكم يهل الحميه
ولا واحد سمعني ورد عليه
الهجر مو من عوايدكم يالاطياب
رضيتو شلون بالفرگه يالاحباب
***
اعاتبكم يمن كل روحي بيكم
واتمنه لون هالساعه اجيكم
المريض ايطيب لمن يعتنيكم
عليله يا هلي مدولي اديكم
تطيب الروح لو رديتوا الهه
يهنبال التعيش ابين اهلهه
هنياله البشم من عدكم تراب
رضيتو شلون بالفرگه يالاحباب
***
يمرني الليل جاببلي صوركم
ولو مرني الهوه اشتم عطركم
احبكم يا هلي والله احبكم
واعاتب بلكت اعتابي وصلكم
روحي معلگه وتدرون بيهه
عجببه ما وصل يمكم بچيهه
ظلمه سنين صارت والعمر ذاب
رضيتو شلون بالفرگه يالاحباب
*****
احس بالكون مختل كل نظامه
نجم ما يضوي بيهه ولا علامه
بعدكم دهري صوبني بسهامه
ولا راحه تصح لي ولا سلامه
ليل نهار ما يبرد غليلي
من راحوا هلي هدولي حيلي
اخافن لو طحت تفزعلي الاجناب
رضيتو شلون بالفرگه يالاحباب
**
الشاعرة نسيم كربلاء
نعي للعليله عليها السلام
يا دار وين اهلي مشو وين
بضعونهم شالو الطيبين
عمامي وهلي وعباس وحسين
❥━──➸➽❥💔
يا دار وين الدللوني
شالو بليل وضيعوني
بفراكهم والله عموني
❥━──➸➽❥💔
تكتل يفركتهم ثجيله
ما كالو اتلوج العليله
خلوا ابنيتهم نحيله
❥━──➸➽❥💔
اشوفن مكان حسين خالي
بلبيت طوله ايتراوالي
راعي الكرم ما ريضالي
❥━──➸➽❥💔
راعي الكرم شال ونساني
عليه هظم ما كال تاني
امصابك يبو اليمه عماني
❥━──➸➽❥💔
انشد عليهم وين يا دار
حسين ابوي ابعيلته سار
حمل وياه ازغار واكبار
❥━──➸➽❥💔
ضلت عليلتهم وحيده
لفراكهم كلبي اشيهيده
عافوني وطرو البيده
❥━──➸➽❥💔
يا دار وين اهل الامروه
وياهم فركني البين كوه
وابدارهم كلبي يتلوه
❥━──➸➽❥💔
لغروب توحشني المباني
خالي مجان الدللاني
حسين ابوي الفاركاني
❥━──➸➽❥💔
يا دارهم وحشه عليه
تعنو هلي للغاضريه
واعدني عباس الشفيه
ايوديه الي حامي الحميه
وانه أكربت مني المنيه
❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍️ الشاعره أم محمد الكناني*
فزاعيه حول السيده رقيه
عزيزه عد ابوها. اشلون شيلتها
وحشه المكبره. . ويا ناس مو گدها
زغيرونه// وبيهه اتنام
الچانت غاليه ومثل الهوه عده
زغيرونه وعمرها الكبر مو گده
شالت بت اخوي وحيلنه اتبده
وظلت بالكلب والروح حسرتها
----------
حسرتها چبير وحيل توجعنه
شالت غاليه وغربت من عدنه
زغيرونه وبعدها اهواي عذبنه
ولابوها حسين يا هلناس ونتها
-------------
ونت لاجل ابوها وما رجع ليهه
وماتت عالطشت والعين تجريهه
محتاره بدفنها وين اوديهه
زغيرونه وبعد بل نفس عشرتها
--------------
مايدري الولي بفراك البنيه
وماتت بالغرب بت الهيابيه
كلف يا يومهه ونار الفراكيه
تسعر بالكلب والروح هدتها
-----------
هدت حيلنه من شالت العشره
زغيرونه وعليهه بالكلب حسره
عافتنه العزيزه ويومهه كسره
مثل كسر الولي يا يوم موتتها
طف الزهراء: نعي السيده رقيه
اودي عتب لاهل الحميه
وكلهم تره ماتت رقيه
بديرت غرب وشلون بيه
اختكم تراهي بعوز والي
ماتت يخويه اشلون بيهه
وبلكت تجي يحسين ليهه
ليش اتخرت خويه عليهه
طالت الفركه ليش هيجي
ظلت ناطره وتهل العيون
وتريد الاهل ليهه يعودون
واكلها يعمه ما يرجعون
شيجيبها الشالت علينه
وابوج بعيد من غمضت عينه
شيجيب احبابنه يا عمه لينه
لينه ترد هيهات هيهات
ونشوفهم اهل المروات
نايمي يعمه وبيج حسرات
نامي وعله الله بت الحيود
ولا تحسبين الغرب يعود
عليج الكلب هليوم ممرود
وسلمينه عمه عله اهلنه
وكليلهم ضايع حملنه
يعودون لو نكطع الظنه
وكليلهم شو طال الغياب
وكلب العقيله يالاهل ذاب
عمتي عليكم ودت اعتاب
وتكول ما اكطع بجيهم
وكل ساع اون ونه عليهم
اعزاز ويعن بيه حجيهم
لخادمة الزهراء. العلويه ام جعفر
نعي لسيده رقيه
اريد الأبو بته وأريده
جاوين ابوي ولزمت أيده
أظن شوفته صارت ابعيده
أبوي الدللاني اليوم مطلوب
نعتب عليه وابعيد الدروب
وين اليدليني ابيا صوب
عونه المشه واتبع ظعنهم
ومايوم فارگنه حملهم
النوم الگبر مدري شجتهم
عونه اليعاشركم يا اهلنه
بيكم گبل زاهي نزلنه
عفو عله الغربه شملنه
عافونه ويه المايرحمون
وسكنو الظلمه وما يرجعون
مرو علينه ولا تگصرون
محله الأبو هيبه البناته
حنين تعجبني صفاته
صارن ابذله ورايداته
اريد الأبو الينشد عليه
ايرد اليعيل اليوم إليه
تعتب عله الوالد رقيه
ايلوگ الحچي من البنيه
انه ابعازت الراح ونساني
طالت الغيبه وما اجاني
خلافه العدو حيل اهظماني
يزينب تره طالت الغيبه
ندهينه الي جان هيبه
مفگود ابوچ آمنين اجيبه
لسان حال زينب الرقية
مفگود گالت يا حزينه
والمات ما يرجع علينه
عل فرگه يا عمه اشبدينه
لو ندري يا عمه يرجعون
لنشف عليهم ماي العيون
هيهات اهلنه ما يردون
راحو ياعمه الچانو احنان
والفارگاهم حيل تعبان
ماتنجبر كسرة الخوان
ماتنجبر بروح ظلت
اليوم البنيه اليوم حنت
تريد الحنين وحيل ونت
تريد الولي ومنين اجيبه
مابين عدوان وغريبه
اعتب عله الزاچي حليبه
اليوم العتب كله عليهم
تبجي العزيزه أتريد ليهم
ابعيد الدرب وامنين اجيهم
لسان حال السيده رقيه
كافي يعمه وبطلي العتاب
اشتاگ الكلب وايريد الأحباب
اتگولين اهلنه اليوم غياب
اشتاگت الروح وعذبتني
وطلبت حنين اليوم مني
عله افراگهم ما علمتني
عله أفراگهم ما علمونه
ياريت وياهم خذونه
نامو عله الغبره ونسونه
نامو ولا فكرو بينه
وشال الحنين وغفت عينه
منج ابونه طالبينه
ونت رقية وشبحت العين
ماتت يخويه شلون يحسين
يا حيرتي ويا عملت البين
والله بطفالك حايره شلون
ماحسبت مني ترحلون
ماتت عزيزه ما تفزعون
ماتت رقيه ابهل مسيه
وأنه الحرت وشلون بيه
أتريد الابو سوده عليه
لخادمه الزهراء
العلويه ام جعفر