كلمات قصيدة مدينة حياتي الرادود يحيى عفارة مكتوبة كاملة
مدد يا زهرا .. مدد يا زهرا
~~~~~
مدينة حياتي ولا تشبه الها مدينه
بضجيج العوالم اعيش بأمان وسكينه
بخدمتي لفاطم ودموعي وليالي المجالس
احس وين اروحن تلمني الأيادي الحنينه
اخلص عمري بدموعي على السطروها عالعين
على الكسروا ضلع الها بقت تنظر للحسين
عالنضربت گبل زينب بسياط تورم اليدين
يقال بقوة السطره انتثر من عدها قرطين
بكيت السطرا .. مدد يا زهرا
~~~~~
سلامي ودموعي عالنصفعت وصب دمعها
على الفجأه تصحى وتون للصبح من وجعها
بأمي النحيله الي من اول العصره طاحت
يگولون بأنها لمن تمشي تلزم ضلعها
خيال من التعب صارت بعمر الثمنطعش عام
مصيبه الينكسر ضلعه على يا جانب اينام
مصايب صبت عليها ليالي تسوي الأيام
اويلي عليها من تمشي لبوها وتشكي الآلام
جهرت الذكرا .. مدد يا زهرا
~~~~~
يساعي بريدي اخذ ظرفي وگصدها هايم
رسالة توسل كتبتها لمولاتي فاطم
اكتب الها جمله عليج العلى الغبره مرمي
انه مالي غيرج اقبليني مولاتي خادم
انه المتعب انه الضايع انه الأذتني دنياي
برداء يمينج الطاهر دخيلج مسحي عيناي
حميتي المرتضى بضلعج اجيتج گولي بحماي
اريد اصرخ على الدنيه يدنيه فاطمه وياي
سئمت القهرا .. مدد يا زهرا
~~~~~~
فرص جانت الها الزجيه وامرها بديها
اذا تركت الباب تعيش و ولا شر يجيها
ولكن سترها اختيار الوحيد الي عدها
تكسر ضلعها لكي لا ينظرون عليها
لمن عصروها عالحايط جره دمع السمه احساس
ولا تركوا مجال الها الحنينه تجر الأنفاس
يطيح احجابها خافت لمن تعصرها الأرجاس
بقت تدفع باليمين وتخلي اليسره عالراس
فديت السترا .. مدد يا زهرا