كلمات قصيدة ضايع بلياج عباس عجيد العامري مكتوبة كاملة
آه يا فاطمة .. آه يا فاطمة
~~~~~
دنيا وماكو بيها إنتي
بيها أگضي العمر صعبه
أنا من دونج بلا روح
غريب وعايش ابغربه
حيدر ضايع ابلياج
عدمن يحجي البگلبه
البيت الماكو عطرج بي
جزيته وضيعت دربه
اه يا الهظيمه ونار العذاب
توگع حرمتي ويعصرها باب
وي كل مسيه بدمع المصاب
يم گبرج أوصل أشم التراب
ما ظل دمع لا ظل صبر
وما يسوى ظل هذا العمر
افراگ وهظم يم الحسن
شاهد على امصاب الضلع
~~~
بعدج ما سكنت بدار
رحل منها اغلى ما بيها
اناشغ من اصد للباب
وتذكر مآسيها
انداست عتبتي ونوب
دم محسن جرى عليها
وعلى گبرج بقت جلمات
كلما اجزع احجيها
كل ناسي إنتي وروحي وهلي
مثل الهوى وأكثر صرتي إلي
تندب وليها إللي تنولي
يا فضه صحتي ومو يا علي
خفتي علي لا انهظم
لأجلي حملتي اشگد ظلم
كل ونة اونها بغيبتج
شاهد على امصاب الضلع
~~~~~
طلعت روحي من عيني
من شفتج على الغبره
وصبر حيدر خلص لهنا
إگبال عيونج الحمره
اليدفن روحه بيده يعيش
بس يموت البصدره
دفنتج ودفنت وياج
وجداني ابفرد حفره
وثار الجنين ولون الجفن
ماينطفي بدمعه ولا دفن
شبعت بواجي عيونج ترى
وشبعت سهر عين أم الحزن
للزهره عاميني القهر
وليل السبي مابي گمر
الفوگ الترب والـ عالهزل
شاهد على امصاب الضلع
~~~~~
ظلعج صوبه البسمار
وبابج حرگته العدوان
يزهره ومن هذاك اليوم
تبرى الزينب النيران
منا تل رمل وارماح
ومنا عايله وصيوان
منا جف ستر مگطوع
ومنا دم نحر عطشان
والعدها دار ويم بابه نار
أهون ترى من الما عدها دار
والماتت بليل أهون ترى
من التنسبي بعلو النهار
لا هيبه ظلت لا خيم
لا جف كفاله ولا علم
وعالناگه شوغات اليسر
شاهد على امصاب الضلع