كلمات لطمية خلصت هاي هي محمد باقر الخاقاني مكتوبة كاملة
كلمات قصيدة خلصت هاي هي الرادود محمد باقر الخاقاني
الشاعر : عباس الشبلاوي
~
خلصت هاي هي وياك يحسين
هذا اخر وداع ويه النساوين
امل مابيها ترجع للصواوين
انطر لو تكلي سنين وتعود
ويلاه ويلاه
~~~
مو عطشانه زينب والضمه يهون
سولفلي بغيابك اصبر شلون
يارايه التصير فياي لام عون
وهاشم من خيمهم طاح عامود
ويلاه ويلاه
~~~
جوية حيل زينب كبل الطفوف
كبل لا جف أخوها تكطعه السيوف
اختك هسه ماضن توكف اوكوف
انكسر ضهر العقيله بطيحة الجود
ويلاه ويلاه
~
وهسه انته تريد تروح يحماي
واتجمل كسرتي بروحتك هاي
ياراي اليضل يحسيني ياراي
دونك يبن ابوي الراي مفكود
ويلاه ويلاه
~~~~
ياراي اليضل لو طبت النار
باجر عالخيم واتيه الزغار
اطفي خيامي لو ادورهم احتار
وزينب حايطتها خيول وجنود
ويلاه ويلاه
~~~
بهاي تبين الكسرة يالاخوان
من تتغرب وخدرك مثل جان
وهسه تحشم وماتكله عوان
بهاي الساعه بس الموت مريود
ويلاه ويلاه