كلمات قصيدة كل المخيم يا كمر محمد باقر الخاقاني مكتوبة كاملة
قصيدة : كل المخيم ياكمر
الرادود : محمد باقر الخاقاني
الشاعر : كرار المحمداوي
~
كل المخيم ياكمر
للمشرعه يدير النضر
يانور من خيامه غاب
الماي من دونك سراب
شأمخرك شنهي الامر
درب النهر مو هالكثر
مو ماي طمنا بجواب
الماي من دونك سراب
صديت خويه اعله الدرب تعود
هلبت تعود .. قلقانه وانتضر
بالماي يحلم جم طفل عليك
عينه عليك .. ذابحهم الضهر
عطشان لكن من رحت بجاك
كلبي البجاك .. ضل عايش بجمر
شبطاك ياعمود اهلنه
بحماك ياعباس كلنه
ان جانك ماترجعلنه
ضعنه عكب عيناك ضعنه
ويلاه يبو فاضل يخويه
~~~
ضلك عله خيامك ذره
ياخويه الك عازه تره
لاكالها الله عله جفاك
نموت كل احنه وراك
يالشوفتك للضامي ماي
محتاجتك كسرة فياي
كسرة ضهر صرت الحماك
نموت كل احنه وراك
مذبوح كلب اختك تره بجفاك
يذبح جفاك .. ارجع ياأبا الفضل
مفجوع هذا مخيمك غريب
عكبك غريب .. من تمشي يشتعل
صهيلهم لمن صرت بعيد
شافك بعيد .. وضل بكربله الصهل
ياخوي يالعندك غلاتي
يمروة مروت لهاتي
تخلاش من دونك حياتي
ويسبوني اني وبناتي
ويلاه يبو فاضل يخويه
~~~~
شان اسمي وي طولك حله
من تصير يمه تجمله
اخت الكمر احله اسمي جان
اوياك يالضلك امان
وي فكدتك افكد اسم
ونحوط اخيامي زلم
مذبوحة ريت وموتي جان
اوياك يالضلك امان
صار كالولي العلم يميل
يعود ويميل .. وكلب اختك انخمش
شو صرت وانه بالخيم اطيح
اوكف واطيح .. وكل حيلي ارتعش
عوف ياخويه النهر تعال
فدوة تهال .. نتحمل العطش
يارايتي وهيبة عزوتي
ياكافلي من بين اخوتي
مبحوح صار عليك صوتي
موتي يكونة وياك موتي
ويلاه يبو فاضل يخويه
~~~
مدري شلجم كلبي وصحت
ها يابعد كلبي وطحت
يالبلخيم طولك ربيع
نضيع من تمشي نضيع
جولة سمعت يم الخيم
وتأكدت طاح العلم
ياسور هيبتنه المنيع
نضيع من تمشي نضيع
وتصيح ضلت عايله بحماك
كلنا بحماك .. وعالجيه ناضره
تروح بفراكك تره الخيام
هاي الخيام .. نار الها حاضرة
مابين فكدك والعطش دلال
ضاع بحبال .. بأطفالي دايرة
مشكور ياليث العشيرة
مشكور يانيشان غيره
ماكصرت بس الوكت دار
وتسمت المكفوله اسيره
ويلاه يبو فاضل يخويه