كلمات لطمية خلاني زماني الرادود محمد الجنامي مكتوبة كاملة
كلمات :- الشاعر كرار حسين الكربلائي .
أداء :- الرادود محمد الجنامي .
🖤🍀🍀🖤
بـغـربه خـلاني زمـاني .. وحدي والليل اجاني
گاعده اعله رماد خيمه .. الجيت العباس أتاني
🖤🍀🍀🖤
امس عباس بخيمنه وعايشه بخير الخيم
خيامي حاطت فوك راسي وابعمد راسه انهشم
جفي مجوي بجمر خيمه وجفه طايح ويه العلم
البجي لعيوني عماها و عينه عاميها السهم
روحـوا گـلـوها يهـيبـه .. زينب اخلافك غريبه
من گبل ما روحه تطلع .. عالنهر ميته عساني
🖤🍀🍀🖤
البارحه جنه سويه وهسه وحدي بالغرب
اشلون اوصل للشريعه وزلم متروس الدرب
لو صحت عباس وينك سوط متني ينصرب
امدلله جنت بوجوده و هسه مشلوعة گلب
الجنت مثل عيونه عنده .. مالت العصابه بعده
احجي وي روحي واكلها .. فراك ابو فاضل جواني
🖤🍀🍀🖤
سند جان يشيل حملي وهسه ما عندي سند
الخوه بفراك ابو فاضل ما لها معنه بعد
كربله شمخليه عندي لا أخي ولا ولد
من انفگد عباس مني شوف البعيني انفگد
گمت اصيح اشلون بيه .. راح عباس من اديه
محـيرات آنـه و خواتي .. و الدهر ولايه ولاني
🖤🍀🍀🖤
آنه اخت عباس صعبة يشوف طولي الاجنبي
روحي ماتت الف موته فوك تل الزينبي
الگمر ردته يشوف حالي تراب تارس معصبي
بكربله التفگد اخوها تطلع بدرب السبي
ادري ما تـقبل حميته .. للسبي تطلع اخيته
من گبل مصباح باجر .. كافلي بفگده سباني
🖤🍀🍀🖤
باجر اتسمه سبيه و باجر دموعي تهل
باجر السوط اعله متني باجر بجفي حبل
باجر اعله الرمح راسه و باجر اصعد عالهزل
باجر اتهدني الشماته و باجر اتمناه عدل
انسـبي و اتعده يمـه .. وما اعاتب خاف الچمه
بس اکله كلمه وحده .. اوداعتك بعدك حناني