كلمات قصيدة جاء الاربعين محمد الجنامي مكتوبة كاملة
قصيدة :- جاء الاربعين .
كلمات :- الشاعر مصطفى العيساوي .
أداء :- الرادود محمد الجنامي .
🖤❤️❤️🖤
جــاء الاربــعـيـن .. يا أهل الحسين
أهل الارض و أهل السمه بالغاضريه
أهــلاً بـكـم فـي كـربــلاء الـعـالـميـه
يا أهل الحسين .. يا أهل الحسين
🖤❤️❤️🖤
يالله شدوا احزامكم يأهل المواكب
خـدمه الــزوار عـدكـم احـله واجـب
هالـمـواكب عـين و المـشايه حاجـب
انشـوفكم هاي السنة ابأعله المـراتب
و الخادم يصير .. عند الله جبير
عالافـته انتـكبت عبـارة جوهـريه
أهــلاً بـكـم فـي كـربـلاء العـالمـيه
يا أهل الحسين .. يا أهل الحسين
🖤❤️❤️🖤
امشوا لحسين المشي أعظم تجاره
و الربح مـضـمـون مابي أي خساره
كـلـمة الـصـادق عـظيـمه ابهـالزيـاره
يزور عرش الله الاجه و لحسين زاره
زايــر كـربـلاء .. زايــر للسمــاء
نتشرف ابخدمتكم و عدنه وصيه
أهــلاً بـكم فـي كـربـلاء الـعـالـمـيه
يا أهل الحسين .. يا أهل الحسين
🖤❤️❤️🖤
و الـروايــه الـگـالها الـبـاقر صـريحه
بالكتب يا ناس مستوده و صحيحه
مسـتحبـه و واجـبه زيـاره ضـريـحه
الله مــيــضـيـع تــعـب زايـر ذبـيـحـه
كلمن يمه راح .. من تعبه استراح
يسمع هله كلمن گصد ابن الزجيه
أهــلاً بـكـم في كـربــلاء الـعـالمـيه
يا أهل الحسين .. يا أهل الحسين
🖤❤️❤️🖤
و الرضـا عـنده روايه علـينه حجـه
زيارة حسين ابضريحه ابألف حجه
حسين نهج الله و أبد منعوف نهجه
ابهالـشـعـائر خـلـو بالـتـاريـخ ضـجـه
الـزاره يا بـشـر .. حـج و اعـتـمـر
ياهل الشعائر ها هنا الجنه الزهيه
أهــلاً بـكـم فـي كـربـلاء العـالميـه
يا أهل الحسين .. يا أهل الحسين
🖤❤️❤️🖤
و الإمام العسكري گال ابكلامه
هالـزياره اتصير للمـؤمن علامه
كـلمـن يـزوره ايـزوره بالـقيـامه
و اليزوره ايرده عـباس ابسـلامه
عـبـاس الكـفيل .. ما يـنطي الدخـيل
كاتب گمر هاشم عله اجفوفه السخيه
أهــلاً بـكـم فـي كــربــلاء الـعـالـمــيـه
يا أهل الحسين .. يا أهل الحسين