كلمات قصيدة انه المصحف الرادود حيدر البياتي مكتوبة كاملة
كلمات انه المصحف الرادود حيدر البياتي
الشاعر : مصطفى العيساوي
خبر عاجل غضب نازل وصل للطف
حمل راية و كتب بيها انه المصحف
الاسم علي
العـزم علي
مثـل عـلي و عباس
عـاجـل ، عـاجـل
🎶〰〰〰〰〰〰🎵
جماله يوسف يكص جفه اله
خصاله نبـي و يمشي بكربله
حـلاله الزعـل بعيونـه وحلـه
لو زعل ترجف سماها
والارض يشـرد هواها
والشمس يلبد ضواها
تنتهي بسيفـه الحيـاة
لـو نزل بالطف يقــاتل
يرتجـز هـل من منازل
يبتسم عمه ابو فـاضل
يـاهـو يــگـدر للصـلاة
غضب سيفه الهوه بكيفه يشمونه
علي الثـانـي علي الاكـبر يسـمونه
گـفو ونعم
صدك شهم
ابـو العــزم ، ينقاس
عـاجـل ، عـاجـل
🎶〰〰〰〰〰〰🎵
حلاتـه جنة واضربها بألف
صفاته كلشي لله بيه عرف
ثبــاتـه فـارس بكلهـن كلف
كربله صاحت دخيلك
سيدي مدنـگـة اجيلك
منهم و مني أشتكيلك
ادري بخـيامك نجــاة
مختصر وصفي و كلامه
نـظـرتــه يــوم القيـامـة
ضحكـته بـرد وسـلامــة
لـو زعــل تمـطـر سمــاه
الــه اقــرة الـف مـرة هـلا بـروحـي
ترف اسمه نده الورده ودوه جروحي
دوه الـــدوه
ضوة الضوة
هـوه الهــوه ، و انفاس
عـاجـل ، عـاجـل
🎶〰〰〰〰〰〰🎵
أشوفه معجزة هذا الاسم
ضروفه حيرت آهل العلم
حروفه تنكتب لـو تنرسم
هيبتك كـافـي عليهم
يـا علـي لا لا تجـيـهم
بالحرب رجفت اديهم
رجفت مــاي الفــرات
والشــرد گـــالــو أمــانـــه
مـــا ثبــت راســه بمكــانـه
ركـبـتــه ضـلــت ورانــــــه
بس وكف حس روحه مات
الشرد عنـه سلم منه و نسه راسه
رجف كله مثل سعفه بهوه انفاسه
علي شـفت
صدك خفت
صـرخ متت و هواس
عـاجـل ، عـاجـل
🎶〰〰〰〰〰〰🎵
مكانه بقلب الحسين السكن
حنانه سالفة مـن ام الحسن
زمانه يعيش غصبـاً عالزمن
بصولته جملة قـراها
من علي جدة خذاها
بالسمه نسمع صداها
لا فــتــى الا عــلـــي
هيبتة هيبـة محمد
بالحرب اسمه تخلد
كربلـه بأفعاله تشهد
صوته بالحق يعتلي
آنا العـابـد آنا الزاهـد علي الاكبر
آنا الفارس آنا الجندي بطل خيبر
آنا الدهر
آنا القدر
ولا مفـر ، للناس
عـاجـل ، عـاجـل
🎶〰〰〰〰〰〰🎵
بعرينه نظرته نظرة أسد
يمينـه مـالها كـفـواً احـد
مدينة غيرته ما الها حد
يـا علي كلمـة مهــابـة
هــذا تربــات النجــابة
من العِدة صفه حسابه
يـا هلـه بمـوت الزلــم
هاجم و غاضب يجيهم
شردو و يضحك عليهم
مو عجب ترجف اديهم
هــذا المـرجـف النجــم
على يمينه كشخ سيفه هله بسيفه
هجم دمدم غضب غيم اخذ حيفه
صعد نـزل
ذبـح قتـل
الإله وصل ، ينداس
عـاجـل ، عـاجـل