كلمات قصيدة يا عباس حاجيني حيدر البياتي مكتوبة كاملة
قصيدة | يا عباس حاجيني |
الرادود : حيدر البياتي
الشاعر : مصطفى العيساوي
يـا عبــاس حــاچــيني
طـــايــح ويــن دليــني
آنه حسين يا بو الغيرة
وحـــدي
🎶〰〰〰〰〰〰🎵
إجاني الصوت خوية الحكلي يحسين
ودرب المشـرعــة تيـــهتــه مـرتــيــن
صحتلك خوية ابو فاضل طحت وين
آنـــه اول بـــشــر يــعـثــر بـچــفــين
ألم بيهن ، و احاچيهن
وأكلـهن ويـن طــايـح
أقبلـهن ، وانـاشــدهن
صــدك عـبـاس رايـح
يــم المــاي لاگــيــتــك
گـــوم ويــاي حـاچيتك
صعب تروح وآنه بديره
وحـــدي
🎶〰〰〰〰〰〰🎵
وصلتك ظهري محني وطحت فوكاك
مــو للمــاي عطشــان اعـلــه ملـكــاك
تـريـد تــمـوت مـوّت روحـــي ويــاك
ولا اســمــع حچـيهــم وحــده خــلاك
يبو الغيرة ، آنا بحيرة
تعــال اسـمـع ونـيـني
صدك فوگة ، بلا ملگة
صحت إبچــي يعيني
روحـي تصيح مـا عـوفك
دمـعـي يـطـيح بچفـوفك
يمك جيت واصعب حيرة
وحـــدي
🎶〰〰〰〰〰〰🎵
طحـت مـاي بـرمـل وشلون ألـمك
سهم عينك خفت لو اشلعه ألجمك
صفـت شيبـاتي حمرة بفيض دمك
حـرت لخيـامي ارد لـو ابقى يمـك
يروحي إنت ، الخدر عفته
وبــقـى لـوحــده يكــافــل
خيم عندي ، وآنا لوحدي
نخـيتك يـا بـو فــاضــل
عندي اطفــال بالخيمة
تريـد المــاي يـا غـيمـة
هذا الصار وسر تفسيرة
وحـــدي
🎶〰〰〰〰〰〰🎵
الصبر لو جان يمي خلص صبره
تـرة الفـاگـد اخـو مكسور ظهره
يمشي مدنگ وچفة اعله خصره
وينه الراح اخوه والعنده حسرة
يعزيني ، ويواسيني
ويبچي ويـاي يمـك
صعب يرجع ، يگلبي اسمع
فــاگد اخـو إسمـك
راح الچــان ضـي عيني
اون عــالــراح خـلــيـني
وجهك ليش عني إديره
وحـــدي
🎶〰〰〰〰〰〰🎵
يروح اختك تضل إختك غريبة
مصيـبـة طيحتك والله مصيبـة
الگلب يم بت علي ينعى بنحيبه
المثل عباس يختي منين إجيبه
يكافلها ، شَأكللها
اذا رادت وليها
صدك صعبة ، مرة بغربة
عمت عيني عليها
جــاي اللـيــل وهـمـومــه
وإختــك حيــل مهضومـة
وحرمة تصيح وين الغيرة
وحـــدي
🎶〰〰〰〰〰〰🎵
يخــويـة بكـربلـه ضليت حـايــر
رحـت مني وبعـد ما عندي ناصر
أشـوف گبـالي موتي بـيوم عاشر
يذبحوني وترض صدري الحوافر
يعطشونه ، يذبحونه
ويحــرگـون المخـيم
يطشرونه ، ويسلبونه
ومـحـد بيــنـه يسلـم
كلـشي يمـوت بغيـابك
طـف احـزان يمصـابـك
عني تروح كلمة چبيرة
وحـــدي