كلمات لطمية وداعت عيون الرضيع مسلم الوائلي مكتوبة كاملة
قصيدة | وداعت عيون الرضيع
أداء | مسلم الوائلي
كلمات | علي الاكبر الغرابي
_____
وداعت عيون الرضيع
انه لو ما أنت اضيع
لو ما ثوب الخدمه ولونك
محد حتى ايكلي شلونك
_____
لو ما نظرت عيونك
ياهو اليسأل شلونك
يحسين اعترف ما انعرف لو ما وجودك
ضمني ابعالم الخدمه
حتى اشعر صرت زلمه
وابين الخدم واكف علم وابجي اعله مودك
روحي بس اسمك من يمر ايبجيها
روحي ما لآيك غيرك يحسين عليها
روحي ذبت كلشي وحزنك كاعد بيها
الجرحك ابروحه يبات
ما تهزه المغريات
لوما دمعاتي اعله ضعونك
محد حتى ايكلي شلونك
__
هنياله اليحب مثلك
هنياله الصبح خلك
يا اول بشر بس بالصور شفته وهويته
بس الشافك ابكلبه
هذا المن صدك حبه
وسبعينك امس صارو درس للحب قريته
نادم انه اليوميه ادموعه ابمكتوبه
نادم انه العنك دارت وجهه اذنوبه
نادم كلبي الما رايد غيرك محبوبه
الينقبل عندك يصير
خادم ابهيئه أمير
بس لوما فاهم مضمونك
محد حتى ايكلي شلونك
_____
يل ساترني بثيابك
لآ تطردني من بابك
انه الما أله بس كربله وشمت حظرتك
احسبني ابابك امجدي
وغير الدمعه ما عندي
ما رايد آجر رايد عمر يكفي الخدمتك
عاشك والعاشك كلما سهم الحب جاسه
عاشك يهجر بيته وربعه ويهجر ناسه
عاشك ويحسين الحب بس يمك مقياسه
انه غيرك ما اريد
يالصرت للحب نشيد
لو طايح مره من عيونك
محد حتى ايكلي شلونك
_____
من عيونك لنحرك
حد الخيل البصدرك
من اول سهم لآخر سهم جان اعله مودي
ما استاهل اجروحك
ليش اطشر ابروحك
من ذاك الوكت رايد جنت تثبت وجودي
عينك مره لزينب مره لصوب اخيامك
عينك مدري شتكتب لمن طاح احزامك
عينك ترسم للاجيال المثلي احلامك
وحتى ما دك غير باب
انطيت عبدالله ثواب
لو عايش كل عمري ابدونك
محد حتى ايكلي شلونك
_____
من طبع اليحب يخجل
ودوم ابدمعته امبلل
ابقانون العشك لأهل العشك ما تلكه راحه
اليذبل حكه من يذبل
لو وجه اليحب ما هل
وبريته النفس يدفع نفس من النياحه
وآنه ذاكه المحد يسأل عنه شلونه
وآنه ذاكه المتبدي المغرب بعيونه
وآنه اليمك بس ترد عافيته ولونه
شفتك وماهو خيال
سيد الحب والجمال
لو ما بالحب مو مجنونك
محد حتى ايكلي شلونك