كلمات لطمية طر الفجر محمد الجنامي مكتوبة كاملة
تحميل قصيده طر الفجر محمد الجنامي, كلمات قصيدة طر الفجر محمد الجنامي, قصائد محمد الجنامي مكتوبة
القصيدة: طَرَّ الفَجُر
الرادود: مُحَمَّد الجنَّامِيْ
الشاعر: عبد الخالق المحنه
~~~~~~~~
طَرَّ الفَجُر يَٰا فَجُر گلب اليِحب ما ينَام
شَٰاعِر يِصْير الدَمع لمن يموت الكَلام
مَا استحق صحبتَك يكفيني رَدّ السَلاَم
يكفيني رَدّ السَلاَم
~~~~~~~~~~~
آني اصغر من احبك وانته اكبر من حبيب
وانته اكبر من قضيّه تنتهي قبل المغيب
هيّه كلها الدنيه ملكك لكن انگلّك غريب
يالّي ساترنه بثيابك والثمن جسمك سليب
تظل عالي بأمر ربّك تعاله
يساكن روحي واندهلك تعاله
لون مو راسك برمحه تعاله
فلا راس ارتفع يبن الزچية
لو نفترض ما تحب .. مايبقه للحب مكان
لو ما صدر ينسحگ .. مات بصدرنه الحنان
لو ما تطيح الخيم .. ما يبقه مسجد حرام
ما يبقه مسجد حرام
~~~~~~~~~~
والله لو ما تحني ظهرك عالنهر يم الكفيل
ما تظل الخوّه خوّه والهجر هوّه البديل
علمتنه الباع دينه يرخص وعايش ذليل
والتعيش براسه غيره ما يساوم مستحيل
وحگ البالخيم چانت تَرَابِك
عرفت عيوني من تعمه تَرْابْك
لون ما برتوي بدمّك تَرَابَك
فلا تسجد عليه الرافضيه
نمته بأمان ورغد .. يالنايم اعله التَراب
لو ما حبال السبي .. يبقى الحبل بالرگاب
لنّك حَنين وتَرف .. يِلتم عليك الحَمَام
يِلتم عليك الحَمَام
~~~~~~~~~~
علمتنه الينصر الحق ينولد يوم الممات
والله لو ما يحچي نحرك يرتفع صوت الطغاة
بالوزن أدري إضفرك اثگل من الكائنات
من نقيسه بماي وجهك قطره ميصير الفرات
چبير وكلشي يزغرلك كَفَالك
يضيع الكون من يمتد كَفَالك
عجيبه تمددت والطف كَفَالك
ورمش عينك غطه الهاي الوطيه
ينزف رضيعك لجل .. يبقه العطر بالورد
لو شفنه بيرغ يِرف .. صحنه الفخر للزنود
من مصرع للنهر .. تمتد جروح الخيام
تمتد جروح الخيام
~~~~~~~~~~~
لو طحت چا كلشي طايح بس طحت للإرتفاع
انته يا أوسع سفينه وچف أيو فاضل شِراع
خنصر ايدك كونه ضايع يعني ضعنه وكلشي ضاع
والله لو ما تزئر انته نخضع الحكم الضباع
وحگ العالنهر طاحت يَسَاره
تره بزودك كلايفنه يِسَاره
لون ما رحن الخدّر يِسَارَه
فلا صار الشرف عدنه هويه
لو ما وجودك أبد .. ما تنوجد كربلاء
صوب جبهتك حجر .. صار بگصصنه الحَياء
گالو رجع للخيم .. وانته أرجعت للأمام
وانته أرجعت للأمام
~~~~~~~~~~~
مجانينه محمد الجنامي
مجانينه محمد الجنامي مكتوبه
الرادود محمد الجنامي
اجمل قصائد محمد الجنامي
لطميات محمد الجنامي
اول عطش محمد الجنامي مكتوبه
مجانينه محمد الجنامي mp3
جميع قصائد محمد الجنامي مكتوبة