كلمات لطمية صدفه محمد الجنامي مكتوبة كاملة
قصيدة :- صدفه .
كلمات :- الشاعر مصطفى العيساوي .
أداء :- الرادود محمد الجنامي .
🔷🍁🍁🔷
صدفه و سمعت احچايه اضعون
باجر هلي كلهم يروحون
و استغربت محد ذكر اسمي
ساعتها عيني اندارت الامي
و حـــصـــت يـــمـــه
🔷🍁🍁🔷
ملتمه كل اهلي وجنت آنه ابوسطهم
و اسمع حجيهم حضروا كلشي ابضعنهم
ومحد ذكرني استغربت ما جني منهم
كلشي حچوا عن السفر و آنه ابسكتتي
يمي بعدهم و ابتدت قصه غربتي
صديت لمي بنظرتي طاحت دمعتي
جانت نظرتي ابدمعة العين
اتمنيت كلمة انتي ترحين
من شفت اهلي تحضروا يمي
ساعتها عيني اندارت الامي
و حـــصـــت يـــمـــه
🔷🍁🍁🔷
حضرت روحي للسفر ما ادري ماروح
ولميت عمري و ضحكتي و خليت الجروح
وحتى الهوه شفته بچه وضل يخنك الروح
حسيت اضل الوحدي ابذيج المسيه
ساعتها شفت أمي بچت سكته عليه
يمه الهوه المابيه اهل يخنك الريه
گلتلها يمه الفرگه تابوت
الفارك هله كل مغرب ايموت
المن اسولف غربتي و همي
ساعتها عيني اندارت الامي
و صـــحـــت يـــمـــه
🔷🍁🍁🔷
خلوني امشي اويه الضعن دمعاتي صاحت
كليلهم يمه طبت و العله راحت
كليلهم نوك التعب يمي استراحت
شوفيني گمت امشي اعله طولي مو عليله
ماريد هودج بالصعن حملي يشيله
يايمه بس خلوني اروح اويه العقيله
كلتلها يمه و كلبي محروك
امشي اعله جدمي واسبك النوك
من تسكت اهلي ينذبح حلمي
ساعتها عيني اندارت الامي
و حـــصـــت يـــمـــه
🔷🍁🍁🔷
آنه ادري گلب الوالده ما يحمل افراك
لو ساعه عافت بتها ترجع الها تشتاك
يايمه لو عفتيني كل اسنيني تنباك
كل ليل امر ابالج و تبجين الي اهواي
جنتي تجبيلي الدوه يالعطرج ادواي
يا يمه كلي الوالد خل تمشي وياي
بنتي الحبيبه اعليها ينخاف
هيه العليله اشلون تنعاف
حلفت ابوي ابزينب و عمي
ساعتها عيني اندارت الامي
و حـــصـــت يـــمـــه
🔷🍁🍁🔷
يا رايحين اوداعة الله و هذا الوداع
مني خذت اهل الليله هنيالها الگاع
دمعاتج اتگولين ظلي و الامل ضاع
لو رحتوا تفرح كربله و تبجي المدينه
واتظل بلا اخت و اخو روحي الحنينه
يا يمه خل نبجي سوه و البينه بينه
لازمني گلبي ما تردون
اتموت العليله من تموتون
من كلتي الحچايه نحل جسمي
ساعتها عيني اندارت الامي
و حـــصـــت يـــمـــه