قصائد نسائية مكتوبة كاملة اكثر من قصيدة ولطمية للنساء مكتوبه
لطميات نسائية مكتوبة,قصيدة لطميات نسائية مكتوبة فزاعيه,لطميات نسائية مكتوبة فزاعية للعباس,لطميات نسائية مكتوبة فزاعية للقاسم,لطميات نسائية مكتوبة للعباس,لطميات نسائية مكتوبة جدیده,لطميات نسائية للكاظم مكتوبة,لطميات عاشوراء مكتوبة نسائية,لطميات ليلة العاشر مكتوبة نسائية,لطميات حسينية نسائية مكتوبة,ديوان لطميات مكتوبة نسائية,
لطميه للرضيع عليه السلام
اعاين للمهد وانه انهدم حيلي
عله ابني اتدوهنيت وما نمت ليلي
❥━──➸➽❥💔❥━──➸➽❥💔
عبدالله المهد ظل موحش وخالي
ذبحوك العده يا ريع دلالي
افراكك عذباني ومرمر احوالي
( شيشيله عبدالله افراكك )
❥━──➸➽❥💔❥━──➸➽❥💔
هليوم المهد خالي واهزنه
يلبعدك زغير وحملت عنه
هاي امك تجر بلآه والونه
( انهد حيلي بمصابك يمه )
❥━──➸➽❥💔❥━──➸➽❥💔
عبدالله يريد الماي من عندي
هاك اشرب دمع يايمه من خدي
ادور وين علماي وانه الوحدي
( انهد حيله عطشان وليدي )
❥━──➸➽❥💔❥━──➸➽❥💔
يعبدالله المهد خالي ومرد روحي
ليش اتنام وانته بلسم جروحي
اظل للموت يمه مابطل نوحي
( ايبجيني ظل مهدك خالي )
❥━──➸➽❥💔❥━──➸➽❥💔
عله ابني اتدوهنيت وليلي مانمته
عبدالله الرضيع اليوم ضيعته
عكلي تاه مني بلدمه شفته
( ايذبحونه شتطلبه اعداه )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
نعي كرناوي للعباس عليه السلام
زينب ونت ونادت يعباس
حيل اختك صبح يا خويه نحيل
انكسر ظهري يخويه والحمل طاح
وحملي اليوم كلش اصبح ثكيل
والحمل الثكيل يريد شيال
وانت اليوم عني اكفيت وتشيل
ما اني معلمه اعله الونه والاه
جنت مدلله بجالك يا الكفيل
مكسورت كلب بالحزن ظليت
بس دموع عيني ظلت تسيل
تمت✍️ الشاعره والمله ام حسين العامري
من ديوان زينب والطفوف الجزء السابع
قصيده لعلي الاكبر"ع"((يالوحيد)
ليش تغيب عن عيني ياالوحيد
@@@
يل جنك وجه گمره
كلبي شمالك تكسره
ضي عيني سكن كبره
(ونوم الغبره مايحله لطوله)
@@@
يمه شلون عايفني
يل فركاك يوجعني
ارجع ليه عاتبني
(خافنك زعلان ويايه)
@@@
حك ارباي اريدنه
ليش تعوفلي الونه
طولك حيل احبنه
(يل تشبه جدك مر بينه)
@@@
اريدك يمه مر بيه
لاتنسه المحنيه
عليك عيوني مجريه
( يالعامي عيوني اعله فراكه)
@@@
طولك غاب عن عيني
عليك يطول ونيني
ييمه شبيك ناسيني
(يل شخصك لاما ناسيته)
الشاعره رسل الابراهيمي
ونورس الحلفي
قصيده للعباس" ع"(غالي المي)
غالي المي سعره.... يگص ايده
ياخوي وكتلك ماريده
@@@
غالي المي بس انته الاغله
وعباسي بكوثر مابدله
للمي لاتمشي ولتكله
(مابيعه وبعز دلالي )
@@@
موكتلك مااشرب منه
اشهگ واتغصص بالونه
بهواي اغله عيونك عدنه
(لاتشريلي بعيونك مي)
@@@
مافارگ عينك تدريني
جا ليش نويت تخليني
ماريد بروحك تفديني
(بس سالم رد ياكفالي)
@@@
ردتك يالكافل تچايه
مااحمل فرگاك ويايه
يالشايل بجفوفك رايه
(هوس بيها..بگاع الطف)
@@@
هوس خل تهتز الحومه
قاتل بس رد للمهضومه
ماريد افراگك مر يومه
(شيحمله افراگك يالغالي)
@@@
من ديوان عطش الفرات
الشاعره رسل الابراهيمي ونورس الحلفي
{نهاية عزاء المجلس}
ام عون تريد لطمه من الحبايب
نساعدها تريد اعله المصايب
•───✧◐◐✧───•
هاي ام عون كومن نلطم وياهـا
جابت روس اهلها امشن تلكاها
تريد تسوي مآتمها اعله ولياهـا
يم كبر الأعزاز ام عون نلكـاهــا
محلاته اللطم لو كـابلـينـاهــا
{ واجب لم عون نواسيها }
•───✧◐◐✧───•
هذا لطمنه للأبد// وي زينب لولياها
عونه اليساعدها ويون
لمصاب ولياها بحزن
ودموع عيناكم جرن
الوكت حيل اذاها
•───✧◐◐✧───•
زينب بكل مجلس تجي
تسمع الونـه والحـچي
وتزيد دمعـات وبچـي
عالشالو وماجوها
•───✧◐◐✧───•
كل عزه زينب تحظره
تون اعله اهلها مكدره
تبچي العقيله امرمره
وبكل عزه ذكروها
•───✧◐◐✧───•
{البيت النلطم ام عون تحظره}
بقلم المله والشاعره ام علي الأماره
فزاعيه حول ابا الفضل العباس
الشاطي يسولف بفعاله
من شافه الماي وحياله
بي هيبه ويرهب كافلنه
والشاطي يسولف بس عنه
من طب الماي وما ثنه
يسحكهه وشنهي الخياله
هذآ العباس وهداته
وجفوف الحره امربياته
مشهوده وتوجع صطراته
ويلوك البيرغ لو شاله
الشاطي اتعجب وتباها
من طب الماي وجالاها
تطافر روس الكصاها
اتموت المر منهه خياله
بعيونه الموت العدوانه
ويضهضب هوه بميدانه
لو هد وسرفن ذرعانه
الكافل يل ماكو امثاله
هيبه ومحد يوصل حده
يشبه حيدر يوم الهده
لو يزعل جا ياهو يرده
والبيرغ بيده ويحلاله
لخادمة الزهراء العلويه ام جعفر
فزاعيه للرضيع عليه السلام
عطشان ويريد الماي
عبدالله انخطف لونه
❥━──➸➽❥💔❥━──➸➽❥💔
عطشان ويون ابني
ليش البين دولبني
بيه اعداه تفجعني
وليدي مسلهم عيونه
❥━──➸➽❥💔❥━──➸➽❥💔
وليدي يابس السانه
مني اخذوه عدوانه
عفت امك الحزنانه
يمه حالهه شلونه
❥━──➸➽❥💔❥━──➸➽❥💔
كلي منين اجيب الماي
وانه بكيت بين اعداي
حزنانه عليك اهواي
ليش اعداه يرمونه
❥━──➸➽❥💔❥━──➸➽❥💔
يرمونه بسهم جتال
وامصابك شدهلي البال
وانه تغيريت الحال
ابوك اعداه يردونه
❥━──➸➽❥💔❥━──➸➽❥💔
جا ليش المهد خالي
وامصابك شده بالي
يون جنيني اكبالي
وابنبله يفطمونه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
فزاعيه للرضيع عليه السلام
عطشان ويون الطفل
واميه ما ينطونه
❥━──➸➽❥💔❥━──➸➽❥💔
عبدالله ون اكبالي
مهده اشوفه خالي
وامصابه شاده بالي
عطشان والعدوان ميرحمونه
❥━──➸➽❥💔❥━──➸➽❥💔
عطشان سلهم عينه
ليش العده مصوبينه
حسين شال جنينه
ايساعده الله ابحضنه ويذبحونه
❥━──➸➽❥💔❥━──➸➽❥💔
جابه لعد ميدانه
شالاه عله ذرعانه
وامه عليه حزنانه
بكماطه ويلي امسلهمات عيونه
❥━──➸➽❥💔❥━──➸➽❥💔
يريد ماي امنلنهر
اشهور سته بلعمر
هاي الرباب ابلا صبر
شافت ابنهه بلنبل يرمونه
❥━──➸➽❥💔❥━──➸➽❥💔
تون الرباب وشافته
اليوم مالت ركبته
مذبوح ويجر ونته
اشجان ذنبه والعده يصيبونه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
#من_ديوان_مصارع_الكرام
#الجزء_الأول
فـزاعـيـة لـمـسـلـم أبـن عـقـيـل ( ع)( ابـو طـاهـر سـبـع)
✿※❥※❥✦
ابـو طاهر سبع والگول يحلاله
يـاهـو اليوصله ومنهو التدناله
✿※❥※❥✦
ابـو طاهر سبع تشهدله صولاته
ومـن عمه علي ماخذهه شمراته
الـكـوفـه زلـزلاهـه بـذيـچ هداته
وسيفه عـالظلاله الهاشمي شاله
✿※❥※❥✦
شال السيف بيده وهوس الريسان
مـاتـنـدل مـفـرهـه منين هـالعدوان
طـوعـه هـلـهـلت حـيه نسل عدنان
بـس ارواح يـحـصـد تشهد افعاله
✿※❥※❥✦
ابـو طاهر افعاله غدت معروفه
ما همه العدو لا رهبته اصفوفه
شـجـاع وللمنيه روحــه ملهوفه
نـزلـن للغـريـب ادمـوعـه هماله
✿※❥※❥✦
نزلت على حسين ادموعه مهمومه
محمل بـالاهـل وي صحبته وگومه
وعلامات الشـهـاده ابطفه معلومه
ونـاس الـبـايـعـتـه كـلـهـه مـحتاله
✿※❥※❥✦
نـاس الـبـايـعتـه ابـغـدر تسعيله
ياهو اليوصل ولحسين يحچيله
يـريـدك مسلم ترجع ويـه العيله
ابـوادي كـربـلـه اتضـيع اطفـاله
✿※❥※❥✦
بـوادي كـربـلـه لحـسـين يردونه
لابـن عمه الغريب يـهلـن اعيونه
يـدريـهـم بـعـاشـر هـم يذبحونه
وصدره الطاهر اتسحگه الخياله
✿※❥※❥✦
تمت والحمدلله ✍🏻 خادمة أم أبيها الشاعرة أم علي الحلفي
نعي للقاسم عليه السلام
يجسام يايمه يوالي
صبح عليك ابهضم حالي
يلتيهت امك يغالي
❥━──➸➽❥💔❥━──➸➽❥💔
حك الربه والتعب وينه
منهو اليردني للمدينه
نايم وليدي وغمض عينه
❥━──➸➽❥💔❥━──➸➽❥💔
يجاسم ييمه زين الاولاد
عليك كلبي ابد ما هاد
مصابك حرمني النوم والزاد
❥━──➸➽❥💔❥━──➸➽❥💔
اكعد يمن لمك ضخرهه
الوالده خلص صبرهه
عكب الولد شلهه بعمرهه
❥━──➸➽❥💔❥━──➸➽❥💔
القاسم ييمه ونور عيني
رايح ييمه وما تجيني
زودت يوليدي ونيني
❥━──➸➽❥💔❥━──➸➽❥💔
نايم عله التربان نايم
وامك تره شبعت هضايم
كلبهه عليك اليوم هايم
❥━──➸➽❥💔❥━──➸➽❥💔
ابعازتك بين عليهه
يانور الاعيون ووليهه
يريع الكلب ماترد ليهه
❥━──➸➽❥💔❥━──➸➽❥💔
نايم ييمه اعله الترابه
احاه يوليدي وشبابه
ما يحمل كليبي غيابه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
قصيدة لوداع وحزن ام البنين ع
#الشاعرة_نورس_الحلفي
راح اشبع افراگ عگب الجفوني
يضل گلبي مشتاگ للمايجوني
ــ❁ــ❁ــ❁ــ
راح اشبع افراگ وابگه بحسرتي
تضل كل الاوكات تهمل دمعتي
للشالو ابعيد اجهرها ونتي
بفراگ الاحنان ذبلن اعيوني
راح اشبع افراگ عگب الجفوني
ــ❁ــ❁ــ❁ــ
ماتهجع الروح بحزانها تلوب
من هجر الاعزاز كل حيلي متعوب
كل مغرب يصير اگعد بالدروب
اتنطر اخبار عن النسوني
راح اشبع افراگ عگب الجفوني
ــ❁ــ❁ــ❁ــ
بلكت تجي طروش من النشامه
يگلولي عدلين والليل انامه
وترد الاضعون ذيچ بسلامه
عندي حلم صار بس يلاگوني
راح اشبع افراگ عگب الجفوني
ــ❁ــ❁ــ❁ــ
بالحسره ضليت واحسب بالايام
لابالي مرتاح لاعيني الاتنام
شلون احمل افراگ وگليبي محتام
كل مغرب يصير يخيب اضنوني
راح اشبع افراگ عگب الجفوني
ــ❁ــ❁ــ❁ــ
لمن يجي الليل اغرگ بالهموم
تخنگني الاحلام چي گلبي مهضوم
واگضيها حسبات ماضايگه النوم
من تعب الافكار تطبگ اجفوني
راح اشبع افراگ عگب الجفوني
ــ❁ــ❁ــ❁ــ
بقلم خادمة اهل البيت ـ ع ـ
#الشاعرة_نورس_الحلفي
قصيده موشح لشجاعة مولانا العباس
حيدر الطب ليها لو عباسها/
حاصر الجيمه وكطع انفاسها./.
كلها بيه اتحيرت هذا الشجاع.
صاح انه العباس ونفل النزاع.
زلزل الميدان وهتزت الكاع .
روس عدوانه المشيم داسها/
زلم كلها تراجعت من هيبته.
سيفه هوس من خذاه بيمنته.
هذا صايود ونعم بالجابته.
يبقه ابن حيدر علي نبراسها/
فرش ارض المعركه بروس العده.
وجثث فوك الترابه امدده.
نخطف كلبه ومات الشاهده.
والمعارك دكت ابجراسها/
حي عزم عباس من هب للفداء.
فوك ناصيته يرف اشرف الواء.
والفواطم ظلت اضج بدعاء .
كون ترجع للخيم حراسها/
زلزله عباس محد كابله.
وياهو يوكفله بمكانه يجندله.
جاب هالقوة العظيمه من هله.
ياضخر هاشم ورفعة راسها/
ابو طالب جده وتعرفونه.
ياهو يتقدم يمده بكونه .
هذا المشيم ومتكدرونه .
شافت الذله بمينه انجاسها/
*ناعية خيام الطف*
شده للعباس ع
***
إمصيبة العباس ماإلهه دوه
تلجم الأنفاس وبشم الهوه
***
شاب راسي بساعة اوداع الحنين
ياحبيب الروح ياأحله السنين
من اعوفك عالترب وامشي بونين
ينطفي ياخويه بعيوني الضوه
***
عله فوك العله فكدك يالولي
تروح يابن والدي وريحة علي
خدري بيمينك يخويه وكافلي
بطيحة الجفين دلالي انجوه
***
ضيعتني بطيحتك عالمشرعه
أيست شفت الجفوف امكطعه
بسهم عينك حايره شلون اشلعه
براسك العامود ياراعي اللوه
***
شلون ياعباس فكدك ينحمل
حيرتني بفركتك يابو الفضل
خويه راح امشي سبيه عالهزل
إعداك جتفو زينب بطف نينوه
***
خويه ماجانت إبالي انسبي
عكب اخوتي الحادي بينه اجنبي
بالحبل كادونه وامحركه العبي
يازماني الراح مانرجع سوه
***
أم علي
قصيدة حول العليله ع
مشتاكه لعيونك حيل...يابويه شيخلصه الليل
لدربك عيوني اتناطر.......والروح تكسر خاطر
مهمومه ودموعي اتسيل..يابويه شيخلصه الليل
مشتاكه وانضر للنزل ودموعي التسليني
ماحسبت كلشي انتهى وتروح وتخليني
ذبيته يا بويه الدوه بس شوفتك تشفيني
تلهب يناري وماطفت شلون انسه شينسيني
ماتنطفي وبيه تعيل....يابويه شيخلصه الليل
تلهب يناري وماطفت وجروحي تلجم بيه
لو انضر ابوكت العصر وتصير الغروبيه
البيت وحشه بلا اهل صعبه تضل البنيه
وفراكهم ماينحمل ابجي واون ليليه
عايفني وشلون تشيل...يابويه شيخلصه الليل
برجليه اعثر لو كمت والمرض رض عضامي
لا انت يمي ولا اهل ولا يمي كل اعمامي
مجروح يابويه الكلب مهموم والكم ضامي
من الفركه أحسنه انتهى مالوم هو ودامي
رك الكلب رك الحيل...يابويه شيخلصه الليل
الحسبات يلفني سوه وتذكر اهلي بحركه
كدامي من سار الضعن ايست من الملكه
اعاين عليهم والكلب جاويته نار الفركه
هيج المريض بلا اهل لو ون عليهم حكه
بيه الوكت صاريميل...يابويه شيخلصه الليل
البيت شنهي بلا اهل خربان لا مايسوه
والله من اشوفنه انقهر ومن القهر اتلوه
احاه يا هذا الوكت بينه شعمل وشسوه
البارحه بنص الشمل واليوم شو ماهوه
شينفع بعد اه اويل..يابويه شيخلصه الليل
✍ الشاعرة الحسينية ام كرار الساعدي
قصيده لمسلم ابن عقيل
{الله يعين كلبچ }
الله يعين كلبچ ياحميده
فاركتي الأبو فركه بعيده
فراكه يهدم الحيل
دمعج عالأبو يسيل
الله يعين كلبچ ياحميده
•───✧◐◐✧───•
شكلتي من سمعتي مات الحنين
والميت بعد مايرجع سنيـن
لفراكه تضل بس تدمع العين
شحالچ من سمعتي
بموته شلون كلتي
يكتل يومه وابنيته تريده
الله يعين كلبچ ياحميده
•───✧◐◐✧───•
اضن كلتي اخذني وياك للموت
المن عايشه وكليبي مفتوت
يا سور وشهم ما شاله تابوت
بويه بكلبي ادفنك
كل مااحن اشمك
اخلافك يالولي اصبح ونيده
الله يعين كلبچ ياحميده
•───✧◐◐✧───•
من صغري انترس دلالي بجروح
ابوي العافني الكلالي ماروح
شايل بيت كلبي وكثر النوح
اون لليسوه الونين
اجرهن طول السنين
واضل امتانيه ياخذني بيده
الله يعين كلبچ ياحميده
•───✧◐◐✧───•
العيشني بحنانه نام بتراب
بعد ماينفع اوياه كل العتاب
والمن كاعده وعيني عله الباب
راح التارس البيت
مشه ولوحدي ضليت
روحي الفاكده صبحت عنيده
الله يعين كلبچ ياحميده
•───✧◐◐✧───•
حكها الروح لو كثرت بچاها
شال الچان يحميها وغطاها
ذبلت وردته ومحد سكاهـا
بصوته اروي روحي
وتتلايم جروحي
وافتح صفحه للغالي جديده
الله يعين كلبچ ياحميده
•───✧◐◐✧───•