قصائد نسائية مكتوبة كاملة اكثر من قصيدة ولطمية للنساء مكتوبه
لطميات نسائية مكتوبة,قصيدة لطميات نسائية مكتوبة فزاعيه,لطميات نسائية مكتوبة فزاعية للعباس,لطميات نسائية مكتوبة فزاعية للقاسم,لطميات نسائية مكتوبة للعباس,لطميات نسائية مكتوبة جدیده,لطميات نسائية للكاظم مكتوبة,لطميات عاشوراء مكتوبة نسائية,لطميات ليلة العاشر مكتوبة نسائية,لطميات حسينية نسائية مكتوبة,ديوان لطميات مكتوبة نسائية,
فزاعيه للأما للحسين ع
اعله الثره مطروح
ابن الساده
➖➖➖➖➖➖
وين اليغسله اليوم
ويبجي بكلب مالوم
ويشيع المضلوم
ابن الساده
➖➖➖➖➖➖
اجروحه ياذنه
شبقو بعد منه
محد كرب يمه
ابن الساده
➖➖➖➖➖➖
اعله الرمل مطروح
اوجسمه كله اجروح
اودمه ضل يفوح
ابن الساده
➖➖➖➖➖➖
امكسره صدره الخيل
زينب تدوره بليل
يالراح منه الحيل
ابن الساده
➖➖➖➖➖➖
وينه شريج الروح
عن عيني لا ميروح
كلبي عليه مجروح
ابن الساده
➖➖➖➖➖➖
ماشرب ماي حسين
صبت دمه هالعين
التمت علي صوبين
ابن الساده
➖➖➖➖➖➖
تمت بقلم خادمة اهل البيت
الشاعره
هيلين الساعدي
يوم العاشر يوم الفاجعه على قلب العقيله
زينب 💔 بين حرق الخيام وتبحث عن اخيها الحسين في ميدان الطف الدامي
🖤🖤🖤🖤
هذاك حسين ـ يا زينب تدورينه
شمي منحره وانـتـي تعرفينـه
•••••••••••••••••••••••••••
خوج ابلاهدم مسلوب ومكطع
لمي اعضاه من الخيل والمصرع
يازينب شَـــگلّج خــــييج موزع
تعاي وياي وبعينج تشوفينه
-•••••••••••••••••••••••
خييج صار مَشتل كل الارماح
وبضربت حجر من المهر طاح
نزف دمه الشريف بشيبته ساح
وعينه لخيمتج ماغَمّضت عينه
•••••••••••••••••••••••••
محتاره يزينب لا تحيــــرين
اذَّكري وصيَّت خييج حسين
وي حيلج بعد يراد حيليــن
وعلي السجاد عل شدَّه تعينينه
••••••••••••••••••••••••••
محتاره وعباتج لاكفه النار
وعله متونج تعب ومبينه لاثار
وشَچايَه لخيج وجايبه الصار
كل ظنج عدل يحمييج تردينه
••••••••••••••••••••••••••••
ريج الطف رواه ابدم وريده
ويزيد ابمقتله هليوم عيده
خذو ثاراتهم بأبن الصميده
وماظن ياحيف يخلونج تدفنينه
••••••••••••••••••••••••••••••
كلمات: ام الحسن الزيدي
قصيده للعليله ع(يلماخذ دلالي)
يلماخذ دلالي ورايح .... .. رايح وين
كلوله ضلع من ضلوعه... ناسي حسين
@@@
يلماخذ دلالي ورايح يم الموت
تصرخ دمعاتي تحاجيني ومامش صوت
يعني تكلي بهجرك حضريلج تابوت
الموت ارحم من فركاكم،،،،،،،، ياطيبين
يلماخذ دلالي ورايح،،،،،،، رايح وين
@@@
يلعايفني بحسرة وينك خذني وياك
روحي انساهه ومااكدر يابويه انساك
يمكن بس بحلامي من اشتاگ انه الإكاك
اني اعرف لفراكك مااكدر،،،،،،،،،، بعدين
يلماخذ دلالي ورايح،،،،،،، رايح وين
@@@@
لتكلي اتعود شتعود هذا مصاب
اليودع واحد ميودع كل الاحباب
عندي محضره انه لفركاكم خوش عتاب
مو انه اعليله وكلتولي،،،،،، متحملين
يلماخذ دلالي ورايح،،،،،،،، رايح وين
@@@
موش بصحه انه وهاي انتم هل تدرون
تخلوني وجرحي بفركاكم متخافون
شلون تغمضون ابلا طولي وترتاحون
وانته تكلي كلش همنه،،،،،، ترتاحين
يلماخذ دلالي ورايح،،،،،،،، رايح وين
@@@
ماجن همك انه وهمك بس تروح
كلبك ينطيك تخليني بكلبي جروح
بقانونك تاخذني وياكم مامسموح
يلكلك حنيه القسوه جتي،،،،،، منين
يلماخذ دلالي ورايح،،،،،،، رايح وين
الشاعره رسل الابراهيمي
قصيده / لمسلم عليه السلام
بالميدان مسلم بانت افعاله
طباهه الحرب والسيف يحلاله
🥇🥇🍀🥇🥇
مسلم شال سيفه والكلب حيران
بالملعب اله صولات عالعدوان
دارت خيل اميه عليه بالميدان
(مظحيهه والروح بدمه)
🖍️🖍️🖍️
ضجه وظغبره اليوم بالكوفه
اله صولات مسلم ببه معروفه
يكلبه كلب عدوانه اتشوفه
( تجادح نارمن عيونه)
🖍️🖍️🖍️
مسلم بشجاعه مايكدرونه
مايدري بحبل تالي يربطونه
من عالقصر وسفه يذبونه
(وتهل ادموم من عيونه)
🖍️🖍️🖍️
نيتهم غدرحفرولك الحفره
الك مولاي ظلت بالكلب جمره
اويلي عليك مارحموك هالكفره
(يسحلونه مسلم. بحبال)
🖍️🖍️🖍️
خانوبيعته مايدري ابن عمه
رموه. من القصر ماكومحب يمه
ضلوعه اتكسرت وجروحه لجمنه
(مصابك مسلم مانساه)
نعي للهلال
عندما نظرت السيده زينب عليها السلام الى السماء رأت الهلال وقد تغير لونه
فقالت بلسان حالها
شغيرك يهلال گلي
لونك خرب خافن على اهلي
بعد اخوتي بالعمر شلي
ا===============
گلبي انشلع يهلال الاحزان
حزنك اخافن على الوليان
مظلم شبيك وبيك دخان
ا===============
يهلال گلي مدخن شبيك
گبل الذبح تعلن تعازيك
علامات هلت ياشهر بيك
ا===============
گبل الوعد عازاني الهلال
لاگيته ابچي بدمع همال
شفته وگلت يتغير الحال
ا===============
يهلال الحزن منك تأذيت
خافن عليه يفرغ البيت
شفتك حزين گبالي وبچيت
ا===============
شفتك حزين وصحت لحسين
شافه الولي ودمع العينين
يزينب للحرب والموت ناوين
وبذمتچ تبقى النساوين
ا===============
ام تبارك الخفاجي
فزاعيه للعباس عليه السلام
===========
چاوين ابو فاظل
ماتلكاني
چاوينه الزمطلي اطيچ ذرعاني
===========
چاوين الزمطلي اينزل ضعوني
يعدل شيلتي ويداوي امتوني
من غصبن تره اعتب لاتلوموني
وين الوفايه // اتحشم زينب
💘💘💘
زماطك وين دگعدلي يجيدومه
جيتك بس حرم ويتام مالومه
چاوين الشجاع الشاعت علومه
اگعد لينه // يانور عيوني
💘💘💘💘💘
يامن زامطت گوم وتلگاني
جيتك خاويه والبين بچاني
اديه مورمه من احبال عدواني
اختك مهضومه // اگعد حاچيها
💘💘💘
وين الگاك يزماطي الحلو طبعه
يوم الغربت مني طفت شمعه
ضليت بحزن وتلالي الدمعه
وين الگاه // ازماطي الغرب
💘💘💘
انه الزامطتلي وكفو من زماطك
كفيت اوفيت اطيتني ذراعك
محله خوتك محلاهن اطباعك
شمر ذرعانه // بيوم الطب للملعب
===========
خادمة ال البيت الحجيه ام علي البصره
فزاعيه للقاسم عليه السلام
كل هذا وني واللطم
للزفته بالحومه
❥━──➸➽❥💔❥━──➸➽❥💔
كل وني صاحت عمته
جسام طيحو خيمته
نوح وونين ابفرحته
نايم اشحلوه النومه
❥━──➸➽❥💔❥━──➸➽❥💔
يا عمه شنهل فاجعه
للموت طوله انودعه
عريس زفته ابمصرعه
وامخضبات هدومه
❥━──➸➽❥💔❥━──➸➽❥💔
رمله وخواته اتعاونن
سكنه ورقيه اتكابلن
عالعاف زفته اشكد بجن
وامه تون مهضومه
❥━──➸➽❥💔❥━──➸➽❥💔
هاي المناحه للصبح
جانه الحزن شال الفرح
عريس بالحومه انذبح
منه تسيل ادمومه
❥━──➸➽❥💔❥━──➸➽❥💔
شفنه العجايب والدهر
شبان نامت بلكبر
عشرين ماتم العمر
كل حيد حلوه ارسومه
❥━──➸➽❥💔❥━──➸➽❥💔
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
قصيده ل اولاد مسلم
تقرأ مربوعه فزاعيه
=========
مذابيح على المسيب يونون
وهلهم نومه علرمله ميدرون
=========
على جرف النهر مذبوحه الاولاد
اهلهم مادرو وبعيده البلاد
وگلب ام الولد لليوم ماهاد
ماتدرون يمه بحالتي شلون
👝👝👝👝
اهلهم نومه مايدرون بيهم
على جرف النهر ومذبحيهم
عمهم مادره السادي عليهم
الراحو للمنيه مايرجعون
👝👝👝👝
شيردهم بعد راحو الاولاد
ضاعو بلغرب وبعيده البلاد
اضل طول العمر مشلوعت افاد
ولادي بحضني وسفه ماينامون
👝👝👝👝
ضاعو مني ابحومة الميدان
من هجمت علينه سيوف فرسان
فرو يوم رعبوهم العدوان
من النار للهيمه يفرون
👝👝👝👝
ميته ريت يايمه عسني
ولاضيعت بلوديان ابني
محد نشد من خواني عني
محد من هلي عني ينشدون
👝👝👝👝
ياهو يروح ويخبّر الريسان
يگله ضاعو بحومة الميدان
وانه محيره وماعندي وليان
محد من هلي وياي يدورون
=========
خادمة ال البيت الحجيه ام علي البصره
الئ طفل الحسين «عبدالله الرضيع»
عبد الله انذبح يا خوية عطشان
شگل للرباب ابدمــــــــــه غرگـان
💔💔💔
يا خوية الطفل خمد ونينه
صاح بصوت نبراته حزينة
ومن ادماه اتخضب جبينه
وگلبي اعليه والله حيل وجعان
•••••••••••••••••••~
يَأمه اهنا فزعيله وتلگيه
واخذي للخيم وبمهده خلي
وبالج ع النحر بيدج تلجمي
مذبوح الولد وبدمه سبحان
🖤🖤🖤
ريت الصاب نحرك صوباني
يعمه اصواب عمرك شوغاني
وما أدري بعد شنهي بزماني
وديتك لأبوك بأمره حيران
🖤🖤🖤
خوية حسين بيدك الطفل مات
شفته طير طار ويه الحمامات
الله يعين گلبك عل مخفيات
يومي كون كبله من اجه وحان
🖤🖤🖤
نوحي وياي يأم عبدالله نوحي
صوته الغاب عني اخذ روحي
اهزن بلمهد وتـــون جروحي
وجسمي من الطم متعوب هلكان
🖤🖤🖤
شالة حسين المثلث تلگاه
ولتف السهم بوريده خلاه
وروه جبدته من وشلت ادماه
لوليده الابو هل صار دفان
🖤🖤🖤
طفلك ليش ما ظاگ العذب ليش
خفيفة الروح عنده بخفة الريش
شتطلب هل طفل يا حرملة ابيش
حوبت هل الطفل عد رب الاكوان
🖤🖤🖤
لطمن ياخواته وطرن اخدود
شمحلاته اخيجن هسه موجود
عَله نحره الترف اكليبي ممرود
ياربي تقبل هـــــــذا قربــــــان
🔸🔸🔸
كلمات الشاعرة أم الحسن الزيدي
قصيده للامام الحسين عليه السلام
زينب عالاهل علت بواجيها
دمعات الحزن عالوالي تجريها
ا=====================
مشت ودموعها تجري من العيون
تخاف اهل الحميه ما يسلمون
اعاديهم كفر لامايرحمون
وعدها بالضعن زينب زغيرون
مكسورت كلب والحاله تشكيها
ا=====================
لمها توجهت زينب الحوراء
صاحت يازجيه اه ويلاه
اليوم من الصبح شخصج ذكرناه
حسين بدمع جاري ودعيناه
تمنت فاطمه يمها وتحاجيها
ا=====================
براضي كربله نصبو صواويني
وغير المعتدي ما شاهدت عيني
بلوه الدهر عل وليان باليني
حسبه تجيبني وحسبه توديني
اراضي كربله ماريد اطب ليها
ا=====================
منها خايفه كربله الغداره
كلبي يازجيه تلتهب ناره
راح حسين ابنج تخلص انصاره
بس طير الحزن يفتر على داره
وعليه كربله توحش مبانيها
ا=====================
باجر كربله ينترس واديها
من دم الشباب الواكعهه بيها
لو ضلت حرمهم بين اعاديها
اخاف علوج اميه تعتدي عليها
ويصير المعادي النوب حاديها
ا=====================
لو ضليت وحدي ببين عدواني
قائدنه غريب يصير يخواني
مثل حسين مايرجع بعد ثاني
شلون اصبر واخوي حسين وصاني
اعاديهم كفر معروف ماضيها
ا=====================
ام تبارك الخفاجي
فزاعيه للأمام العباس عليه السلام
عباس سكنه بلخيم
تنتظرك أترد ليهه
❥━──➸➽❥💔❥━──➸➽❥💔
منتظره والدمعه تصب
وعليك خافت تنظرب
وأطيح ويلي أعله الترب
وعينك سهم يعميهه
❥━──➸➽❥💔❥━──➸➽❥💔
منتظره ترجع يالسخي
وأتجيب ماي العلكمي
يا أبو الفخر يا ضيغمي
وأبئيدك أترويهه
❥━──➸➽❥💔❥━──➸➽❥💔
أتعود وأبسرعه كلت
يم النهر شو طولت
بس لا يبو الغيره طحت
وأجفوفك أمكطعيهه
❥━──➸➽❥💔❥━──➸➽❥💔
سكنه تون وأمئلمه
عطشانه كاتلهه الضمه
والروح منهه مهدمه
حر أو عطش مأذيهه
❥━──➸➽❥💔❥━──➸➽❥💔
عباس جنك ما ترد
وياك كلشي فل بعد
للنوح سكنه تستعد
وأعليك يا واليهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
فزاعيه جنوبيه للعباس ع
*
تصيح ام الحسن عباس يبني
عله مصابك انوح وزاد وني
**
كبل لتطيح جفه اعله الوطيه
حضنتهه الجفوف امه الزجيه
وحنت شيبهه بدم الشفيه
تنعه وتنتحب فكدك هضمني
**
يسارك طاح يالغالي ويمينك
جيتك بالدمع امسح جبينك
واشلع بيدي سهم الصاب عينك
وعامود الراس كبلك ريت طرني
**
بفكدك يالكمر كلبي شلعته
يحزام الظهر لحسين واخته
ماتدري الشمر من حز ركبته
وحده وصاح اخويه وين عني
**
ابو فاضل وذر عالكاع شفتك
صدك عباس انته ماعرفتك
ياحامي الشريعه وكافل اختك
عله مصابك ولافليت حزني
**
يبني مانسيتك جيت يمك
اواسي بالقيامه احزان امك
واول ثار اطالب بيه دمك
اجفوف امكطعه بياذنب ذني
***
أم علي
الطفل الرضيع ع
...........
دللول الولد يبني دللول
نايم ياعزيزي موش مچتول
موبلدم ترويت. ماي اليوم شربيت
نايم ياعزيزي وموش مچتول
..........
يم مهدك اجيت ابدمعت العين
شلتك ياعزيزي لعودك حسين
تتلوه ييمه صار يوميين
ماشارب اميه وتجذب اونيين
يابس يادليلك
واتزايد غليلك
منين الماي اجيبه ونارك اتزول
نايم ياعزيزي وموش مچتول
........
شلتك للحسين وجبتك انه
وگتله من العطش يابس اللسانه
شالك عودك وناح ابمچانه
وصاح الله وكبر عل الجفانه
هلت دمعت اعيونه
وعدوانه ينضرونه
ويشوفونك ييمه ابچفه محمول
نايم ياعزيزي وموش مچتول
...........
وانه ابخيمتي انطر واتاني
ولن حسين يتنحب اجاني
هاچ ابنچ يگلي وصبراني
شلتك لن سهم نحرك عماني
ياسهمك جرحني
ياعطشان يبني
ياذنب الجنيته وموتك اتنول
نايم ياعزيزي وموش مچتول
.........
شلتك والحزن هدم كياني
ولطمت اعله الوجه من غير اواني
انه الچنت احسب ليك اتاني
تكبر يبني ما ادري ابزماني
يفتر بنتقامه
ويصوب سهامه
وماخله الولد لن عمره ايطول
نايم ياعزيزي وموش مچتول
..........
اه اعليك ياسباح گلبي
ياشمعت حياتي ونور دربي
عتبي اعله الزمن شيفيد عتبي
راح اعليك ياعبدالله تعبي
يامحله الليالي
بوجودك يغالي
هسه اگبال عيني ودمك اسيول
نايم ياعزيزي وموش مچتول
..........
ام عمار العيساويه
فزاعيه للعباس
عباس هاي عمامته. يم الخدر شيليها
ليش على ذاري كربلا مخليها
شيليها لايحها الترب
ياوسفه بيدين الغرب
ودمومها الهامه تصب
ومن الشمر دخذيها
جا ليش لازمها الشمر
ما لايگه الا على الكمر
اخذاها ويصيح بزجر
هاي المات راعيها
زينب تنادي ياهلي
عباس راعي محملي
وعمامته بيد الدعي
بكل جرأه هوس بيها
هاي العمامه ورايته
عالكاع ذبو جربته
شكالت الروح الشافته
ياروحي هدمتيها
هذا الاخو والينه
راعي الشيم غالينه
بعمامته تباهينه
جاليش ماخذتيها
انطوني العمامه ياناس
هاي العمامه لعباس
خلوني احطها على الراس
على العين خليها
ام زينب السعداوي