كلمات قصيدة كوكب غرامي حيدر البياتي النجفي مكتوبة كاملة
قصيدة | كوكب غرامي |
الرادود : حيدر البياتي
الشاعر : علي عويز الشويلي
روحي إنـت روحي كل تفكيري يمك
همـي ترضى عنـي وتخليني اخدمك
عشگي وامامي ، كوكب غرامي
🎶〰〰〰〰〰〰🎵
أبقـى آنـا عبـد الخيم ميهمني شـيكولون
كالولي شسمك گلت مجنون ابن مجنون
بـأغـراض البـمـوكبي لــو رادو يـبـدلــون
هـارون واشمـا ملك مـا ابـدلـه بمـاعـون
حبي بيـه آلامـه بيـه اسـهامـه نبـتن
حبي يرهب صيته من حنيته عدمن
أحلى الاسامي ، كوكب غرامي
🎶〰〰〰〰〰〰🎵
إشكد نسمع بكل سنة كافي شكثر تبچون
عود احنه من ننعمي عيون النه لا تنطون
شــو احنـه نكثر نضـل بـس انـتم تقـلون
وشچـم محـرم بعـد بـعون الله تنقرضون
كافي الخدمة تحلى واحنه نعلى شوفو
كافي مــا مـلــيتـو مــا تعــبتـو تــوبــو
حربي و سلامي ، كوكب غرامي
🎶〰〰〰〰〰〰🎵
من الطم احس بالگمر يلامسني بالچفين
من خـدي ام الحسن تـاخـذ دموع العين
تقــتنع زيـن وهـلا مــا تقـتنـع هــم زيـن
يصير الفلـک مگبرة لـو مـا وجود حسين
بعيني بلايـه الخيمـة كلشي هيمـة يصبح
حسيني يضل بس هو وجهه مروه ينضح
محير كلامي ، كوكب غرامي
🎶〰〰〰〰〰〰🎵
يوم القيـامــة عجب ابخير الحسين نحير
مو تمشي فوگه الخدم فوگ الصراط تطير
كــل الخـدم تنجـمع كـلمـن البيـته ايـسـير
بمملكـة و بيها الملـك عبــود غفلــة يصـير
يبدي ايـرف علمـها اتلـم خدمها الزهـرة
يبدي ينادي فطرس حمزة مجلس اقرة
واصرخ يدامي ، كوكب غرامي
🎶〰〰〰〰〰〰🎵
لمن تجـي للعـزة ايصيح العرش حياك
بدربـك يحرسـك علي و الزهرة تتلكاك
تصير الحسينك دوة فوک الجرح خلاك
يهبط مـلاك الـسمـه و يبـوسك ابيمـناك
وتصير من همومه فوگ ارسومه بسمه
وتصير ماي بروحه توصل روحه نسمه
مصدر هيامي ، كوكب غرامي