كلمات قصيدة ارويني من عطش روحك حيدر البياتي مكتوبة كاملة
قصيدة | ارويني من عطش روحك |
الرادود : حيدر البياتي
الشاعر : حاتم صبري الكاظمي
-------------
ارويـنـي مــن عطش روحـك
سـوينـي مــن ذوي جروحـك
ما عندي غيرك والله يا مهدي
🎶〰〰〰〰〰〰🎵
شأبدي بيا حچي والفاگد شيبدي
آنـا مـو مـاي يمـك عطش متبدي
أفكر بيـك مرتـاح أنت لو متعوب
وحـک المهدي ما ناسيك يالمهدي
حـاير شسوي مـن دونك
مـاادري سـيدي شـلـونك
آنه يتيمك دمعتي بخدي ، يا مهدي
🎶〰〰〰〰〰〰🎵
السلام اعله الشَريد اتكول الزيارة
السلام اعله الطَريد بيا وطن داره
(عزيزاُ أن أرىٰ الخلقَ) ولا اشوفك
بــابــك ويــن صاير ويــن خطاره
دمـعــي يِـرسـمَـــك ابـالـي
يـالمــهــدي واگــف گبــالـي
وأهتفلك آنا الماخنت عهدي ، يا مهدي
🎶〰〰〰〰〰〰🎵
أحسب نبضه نبضه وأرتقب فجرك
غيـب شمـا تـغيـب أنتظرك أنتظرك
ولا بـارح خيــالي حلـــم ذاك اليوم
يمِـد بـعمري الله بفتـرة مــن عمرك
أمـنـيتي بيهـا حــاچــيـتك
خــليـني خــادم بــ بـيـتـك
توفيقك ونظراتك استجدي ، يا مهدي
🎶〰〰〰〰〰〰🎵
أسـولــف بيــك يبن الزهره وادعيلك
أحــس الله يـوفــقــني مــن أبچيلك
شما زاير رحت واگعد بصحن حسين
ركــعـتين و زيــارة وارث اهــديــلك
ايگـلولي وآنــه أقرالك
هــذا إمــامـك گبـالــك
من الفرحة اموت وياك لو ابدي ، يامهدي
🎶〰〰〰〰〰〰🎵
ما اعـرف مكــانــك وين مااندل
رايــح للمخيم ؟ تبچي يــم التل
على العباس ماي اتثوب دموعك
يــم شـباچ جـدك تقــره بـالمقتل
گـلبـي يســمعـك بلـوعـه
هنــا طشــروهـن ضلوعه
آنه الغريب المنذبح جدي ، يا مهدي