كلمات قصيدة اكبر جروحي الرادود حيدر البياتي مكتوبة كاملة
قصيدة | اكبر جروحي |
الرادود : حيدر البياتي
الشاعر : مصطفى العيساوي
كربلاء ، اكـبـر جـروحـي
كربلاء ، وطن بيه روحي
روحي يمـک ، آنـه أمـک
يٰا حُسين
🎶〰〰〰〰〰〰🎵
إنت روحي
يُمـه وآنـه الوالـده المذبوح إبنها
إنت روحي
الظلت بـ حَـر الشمس محد دفنها
إنت روحي
وشفت روحي سلبو خنصرها منها
وظل حزنها
يا حُسين ، بَـين اهـلالك
يا حُسين ، عيني تبرالك
جيت أشمک ، آنـه أمـک
يٰا حُسين
🎶〰〰〰〰〰〰🎵
يا حبيبي
كسّـرو ضلعي و جـنت بالبـاب تـسمع
يا حبيبي
والكِـسـر ضـلـعي عـلى صـدرك تـربـع
يا حبيبي
الذبح محسن ذِبح بالطف طفل يرضع
اشلون اهجع
يـا حـبـيبـي
يـا نـحـيـبي
وانت شيبي
حسين يُمه
يا غريب ، وبالغرب وحدك
يا غريب ، گـطعـوا چـبـدك
جبل همک ، آنـه أمـک
يٰا حُسين
🎶〰〰〰〰〰〰🎵
إنت ضلعي
وضلعي مـا يسلم عرفتـه من الحوافر
إنت ضلعي
الداست الخيـالـة فـوگـه بـيوم عـاشـر
إنت ضلعي
وجيت اشوفن كسر ضلعي شلون صاير
گلبي حاير
شگبره حزنك
جيت احضنك
شضـال مـنـك
حسين يُمه
لا يخيل ، ميـلن عـنه
لا يخيل ، لا تسحكنه
اشلون المک ، آنـه أمـک
يٰا حُسين
🎶〰〰〰〰〰〰🎵
انسطر وجهي
وأنت وجهك بالحجر مصيوب شفته
انسطر وجهي
ووجهـك مـن الـدم يَيمه مـا عـرفتـه
انسطر وجهي
وصرت مثـل أمك تون والونة سكته
وكلشي سكته
والله حـيرة
شگد جبيرة
بـلا عشيـرة
حسين يُمه
عالفرات ، طـاحـت الخـوة
عالفرات ، مات ابو النخوة
وگتله احشمک ، آنـه أمـک
يٰا حُسين
🎶〰〰〰〰〰〰🎵
وين زينب
لو گلتلك ويـن زينب تهدم الحيل
وين زينب
بين دخان الخـيم ومراكض الخيل
وين زينب
زلمة ماعدها وغريبة وچلچل الليل
آه يا ليـل
دورتـــهــا
وما شفتها
حَــيـرتـهـا
حسين يُمه
بلا خيام ، والـتعب هدها
بلا خيام ، أخوة ما عدها
بروحي أضمک ، آنـه أمـک
يٰا حُسين